Onun qanını hər gün ağcaqanad SORUR: Rekordu isə 15 min dişləmə - FOTO

Ağcaqanadlar üzərində araşdırma aparan bioloq Perran Ross son işi ilə sosial mediada müzakirə olunub.

Sonxeber.az xarici mənbəyə istinadən xəbər verir ki, Melburn Universitetində "ağcaqanadlar, məhsul zərərvericiləri və faydalı həşəratlar" mövzusunda araşdırma aparan bioloq Perran Ross, tədqiqatlar çərçivəsində öz qanını ağcaqanadlara verir.

Laboratoriyada hər gün ağcaqanadlara qanını sormaına imkan verən Rossun "İnstagram"da paylaşdığı video dündəm olub. Videoda ağcaqanadların onu 15 saniyə dişləməsinə icazə verdiyi görünür. Perran Ross bu qəribə prosesi belə təsvir edib:

"İnsanların çoxu bir nəfərin ağcaqanadlarla dolu bir qaba qolunu salması ilə maraqlanır. Amma onlar gözəl canlılardır. Mən araşdırma aparmaq üçün ağcaqanadların məni dişləməsinə icazə verirəm".

"Ağcaqanad Adam" ləqəbli Rossun indiyə qədərki ən yüksək rekordu onu 15 min ağcaqanadın dişləməsi olub. Bioloq Perran Rossa görə, bütün bünlar onun işinin bir parçasıdır. O, sosial şəbəkədə ğcaqanadların dişlədiyi qollarının fotosunu paylaşıb. Paylaşımında isə bu fikirlərə yer verilib:

"Ağcaqanad dişləmələrinə insan bədəninin verdiyi reaksiyalar müxtəlifdir. Bu fərqlilik ağcaqanadlar arasında özünü göstərə bilir. Bu izlər 500 ağcaqanadın məni dişləməsindən sonrakı görüntülərdir. Sol qolum isə daha çox qaşınır".

Telegramda izləyin