Vüqar Biləcərili kimdir? – Nakam sevgiyə görə şair olan bədbəxt aşiq

Vüqar Biləcərili kimdir? – Nakam sevgiyə görə şair olan bədbəxt aşiqÖmrünün sonuna yaxın adını dəyişib, "özünü bədbəxt edən şair" qoymuşdu. Tanrının ona nəsib etdiyi istedad və sərvəti düzgün istifadə edə bilməyib, öz ömrünə balta çalan adam haqqında danışacağıq bu gün.

Sonxeber.az Lent.az-a istinadən "Bioqrafiya" rubrikasında gənc yaşında vəfat etmiş, nakam meyxanaçı Vüqar Biləcərilidən bəhs edir.

- Vüqar Biləcərili harada və nə vaxt anadan olub?

Paşayev Vüqar Zakir oğlu 1988-ci il avqustun 24-də Biləcəri qəsəbəsində doğulub. Əslində o, 1988-ci ildə deyil, 1987-ci ildə doğulub. Ancaq uşaqlıq və yeniyetməlik illərində məşğul olduğu güləş naminə Vüqar təvəllüdünü 1 yaş kiçildib. Təxəllüsünün Biləcəri olmasına baxmayaraq, əslən Bakının Hökməli kəndindəndir.

- Vüqar Biləcərili hansı təhsili alıb?

1993-cü ildə Biləcəri qəsəbəsində, indiki 199 nömrəli məktəbin birinci sinfinə gedib. Mədrəsədə dini təhsil də alıb. Sonralar Mədəniyyət və İncəsənət Universitetini bitirib.

- Onu meyxanaya gətirən səbəb nə olub?

Deyilənə görə, Vüqarı ibadətə və şairliyə gətirən nakam sevgisi olub. Üstəlik o, Füzuli yaradıcılığına aşiq imiş. Hamı məscidə Quranla getdiyi halda, Vüqar Füzulinin qəzəllər toplusu ilə gedirmiş. Vüqar bir müddət güləşlə məşğul olub, yaxşı güləşçi olub. Amma ədəbiyyat Vüqar Biləcərini idmandan ayırıb.

- Vüqar Biləcərili ailə qurmuşdu?

Yox. O ömrünün sonuna qədər evlənməyib. Vüqar məktəbdə bir qıza aşiq olub. Füzulinin məcnun aşiqliq istedadı ilə sevən Vüqarda həmin xanım ciddi iz qoyub. Qovuşa bilmədiyi həmin qız onun həyatda ilk böyük travması olur. Anası insult keçirdikdən sonra o evlənmək istəməyib, ona özü qulluq edib. Ömrünün son illərində Samirə adlı bir xanımla sevgili olub.

- Vüqar Biləcərili necə məşhurlaşıb?

İlk dəfə 16 yaşında "De gəlsin" yarışmasına qatılaraq adından söz etdirib. Meyxanaçılar onun haqqında çox yüksək fikirdə olsalar da, məşhur olmadığından toylara dəvət almır və məsələnin madiyyat tərəfi onu sıxırdı. Vüqar 2010-cu ildə dostu, digər məşhur meyxanaçı Rəşad Dağlının toyunda son dəfə meyxana deyib bu sahədən uzaqlaşmağı planlayır. Həmin gecə - 22 yaşında isə onun taleyi dəyişir. Vüqar o gecə məclisdə elə meyxana deyir ki, dinləyicilər ondan əl çəkmir, bir anda məşhurluğu hər yana yayılır. Həmin toyda Elşən Xəzərlə deyişməsi Vüqar Biləcərini "toylar kralına" çevirir.

- Vüqar Biləcərilinin ölümünə nə səbəb olub?

Vüqar ömrünün sonuna qədər spirtli içki qəbul etməyib. 20 yaşına qədər isə ümumiyyətlə siqaret belə çəkməyib. Həmin yaşa qədər o hətta meydanlarda, toylarda meyxanaçı yoldaşları çox siqaret çəkib tüstü yaradanda onlara belə etiraz edirmiş. Təəssüf ki, o, bu saflığını davamlı olaraq qoruya bilmir. Ən qorxunc bəlanın, narkotiklərin qurbanına çevrilir. Dumanlı meyxana məclisləri gecələrin birində 22 yaşlı gənci öz cənginə salır. Narkotik Vüqarın əvvəl əhvalını, sonra malını, daha sonra canını alır.

- Vüqar Biləcərilini narkotiklərə kim alışdırıb?

Vüqarı bəlaya düçar edən elə sənət dostlarından biri olub. Vüqar son vaxtlarda da həmin şəxsə zəng vuraraq onu bu hərəkətinə görə acılayırmış.

Meyxanaçı Orxan Lökbatanlını Vüqarı pis vərdişlərə qurşandırmasında günahlandırırlar. Müsahibələrinin birində Orxan Lökbatanlı bu barədə deyib:

"Biz Vüqarla ailəvi yaxın olmuşuq. Boş söhbətlərdir. Digər tərəfdən, Vüqarın ölümünə səbəb kimi hamı narkotiki göstərir. Amma belə deyil. Vüqar anasına çox bağlı insan idi. O, anası ilə nəfəs alırdı. Beş-altı il əvvəl Vüqarın anası Mətanət xanım 50 illiyində "paralij" oldu. Ondan sonra Vüqarın yaşamağa həvəsi qalmadı. Meyxanaya olan həvəsi də itmişdi. Onun özünəməxsus daxili dünyası alt-üst oldu.

- Sənətçi dostları Vüqar Biləcərilini niyə söyürmüş?

O, gecənin bir aləmində "palatka toyu"nda elə misra deyirmiş ki, əsl sənətə qiymət verən gənclər əsəbindən onu söyürmüşlər. Belə bir misranı mağar toyunda xərcləmək israfçılıqdır deyib, qafiyə də tapmayanda lap əsəbiləşirmişlər.

- Vüqar Biləcərilinin anası ilə münasibətləri necə olub?

Vüqarın düşkünləşməsinə səbəb həm də anasının 50 illik yubileyində insult keçirməsi olur. Bu hadisə Vüqarın həyatında ən ciddi sarsıntı olub. Anasına xüsusilə bağlı olan qəzəlxan hətta ölümünə yaxın günlərdə hər gün anasının ayaqlarının yanında durub, onun ayaqlarından öpürmüş.

- Vüqar Biləcərili narkotik maddə asılılığına qarşı müalicə alıb?

Vüqar dünyasını dəyişmədən bir ay əvvəl xəstəxanaya yerləşdirilib. 20 gündən artıq xəstəxanada müalicə alıb. Təəssüf ki, artıq bədəni olduqca zəiflədiyindən müalicənin də ona xüsusi təsiri olmayıb. Ayağında əmələ gələn yara da ona əlavə ağrı verirmiş. Ölümündən bir iki gün əvvəl Biləcəri ruhanilərindən olan Hacı xan Mirzəyə zəng edib bir növ halallıq istəyib. Zəng edəndə ilk sözü bu olub:

"Salam. Mənəm, özünü bədbəxt eləyən şair". Ardınca qeyd edib ki, "ruhanilərin qarşısında xəcalətliyəm. Utanıram. Qiyamət günü məni də unutmayın".

Artıq son günlər öləcəyini bilirmiş. Bütün əzizlərinə zəng edib Həzrəti Əlidən şeir deyib hönkürtü il ağlayırmış. Ayağını da son günlərə qədər hamıdan gizləyirmiş. 2020-ci il avqust ayının 28-i gecə saatlarında vəziyyəti ağırlaşır. Onu təcili xəstəxanaya aparırlar. Səhəri gün şairin ürəyi dayanır və o 32 yaşında həyatla vidalaşır.

- Vüqar sevgilisi Samirə ilə niyə ailə qurmayıb?

Vüqarın həyatında özündən yaşca böyük Samirə adlı qadın da olub. Samirə Vüqarın ölümündən sonra verdiyi müsahibələrinin birində deyir:

"Əvvəl gündən ona deyirdim ki, bizimki alınmaz, olmaz. Sən subay oğlansan, mən iki uşaqla ayrılmış qadın və aramızda yaş fərqi var. Günün birində ailə qurmalı olacaqsan, mən o qadın deyiləm ki, ikinci olum. İndi fikirləşirəm ki, kaş deməzdim. O, buna görə ailə qurmadı. Bilirdi ki, ailə qursa, ayrılacam. Ayrılanda həmişə saatları sayardıq. Məsələn, deyirdi ki, 32 ya 26 saatdır danışmırıq. Mən onun maşınının şüşələrini belə qırmışam, o mənim maşınımın nömrələrini açıb aparıb, yəni bura qədər dalaşmışıq. Ciddi ayrıldığımız məqamlar olub. İçimdən, qəlbdən deməsəm də, məcbur olub ona "get evlən", deyirdim. Biz küsəndə anası barışdırırdı. Zəng edib deyərdi ki, ay Samirə, oğlum yenə yemək yemir, danış yesin. Son anında yanında olmadım. O, vəfat edəndə biz küsülü idik. Mənə deyirdi ki, Samirə, heç kimin sözünə inanma, bizi ayırmaq istəyirlər, mən öləcəm, sən yanacaqsan. Son görüşdə mənə bunu dedi və dediyi kimi də oldu".


Sonxeber.az Telegramda izləyin instagramda izləyin
Maraqlı   Baxılıb: 738   Tarix: 15 iyun 2024  

Şikayətiniz varsa Whatsapp: 051 7028255

Facebookda Paylaş


Oxşar xəbərlər

.

Bəysiz "ərə getmək" indi dəbdədir... - Solo-toylar (MARAQLI)

"Yaponiyada getdikcə daha çox qadın özünü saxlamaq iqtidarındadır, ərə getməyə zərurət yoxdur. "Solo-toylar möhtəşəmdir, xoşbəxt olmağın çox üsulu var, ən əsası, ilk növbədə özünü sevməkdir. Yaponiyada nikahların azalması fonunda solo-toyların sayı artıb. Yaponiyada yeni dəb meydana çıxıb

8 iyul
.

"WhatsApp"da yeni funksiya olacaq

Məşhur "WhatsApp" mesencerində bütün söhbət mesajlarını başqa dilə tərcümə etmək imkanı olacaq. -ya istinadən xəbər verir ki, indi istifadəçilər üçün pulsuz olacaq yeni funksiya inkişaf mərhələsindədir. Yenilik artıq tətbiqin 2.24.15.9 nömrəli beta versiyasında qeydə alınıb. Materialın müəlliflər

13 iyul
.

Paytaxtda çoxalan tülkülərin quduz olduqları XƏBƏRLƏRİ YAYILDI - VİDEO

Paytaxtın müxtəlif ərazilərində tez-tez görünən tülkülərin quduzluq yaydığı iddia edilir. Zoologiya İnstitutunun əməkdaşı Elşad Ələsgərov "Xəzər Xəbər"ə açıqlamasında deyib ki, son vaxtlar paytaxtın müxtəlif ərazilərində tülkülər peyda olub. Onun sözlərinə görə, Mərdəkan, Pirallahı, Qala, Badamda

7 iyul
.

Ağcaqanadlardan qorunmağın asan yolları...

Yay aylarında ağcaqanad sancması ilə tez-tez rastlaşırıq. Qorxulu təkcə onların sancmaları deyil, yaydığı infeksiyalardır. Bəs, ağcaqanadlardan necə qorunmaq olar?. "Qafqazinfo" Türkiyə mətbuatına istinadən xəbər verir ki, ağcaqanadlardan qorunmaq üçün müəyyən yollar var. Bunun üçün limon v

9 iyul
.

Meksikada bir kilsə cənnətdə torpaq satışına başlayıb: Kvadratmetri 100 dollara

Meksikadakı "Entoms" kilsəsi cənnətdə bir kvadratmetri üçün 100 dollardan torpaq satışına başladığını elan edib. Onlar bildiriblər ki, cənnətdə torpaq alışı zamanı kredit kartı və mobil ödənişləri də qəbul edirlər. Bu barədə kilsənin sosial şəbəkə hesablarında məlumat verilib. Paylaşımda buludla

14 iyul
.

Kişilər qadınlara nisbətən niyə daha az yaşayır? - Səbəbləri açıqlandı

Aparılan araşdırmalara görə orta hesabla bütün yaşlarda kişilər qadınlardan daha çox xəstəlik, xəsarət və ölüm riskini artıran davranışlara meyllidirlər. xarici KİV-ə istinadən xəbər verir ki, onlar daha az sağlam həyat tərzi sürürlər. ABŞ-ın Xəstəliklərə Nəzarət və Profilaktika Mərkəzinin məlumatın

9 iyul
.

Ən böyük kiçik balığı tutdu: ABŞ-də yeni rekorda imza atıldı

ABŞ-li balıqçı ən böyük qırmızıqarın xanı balığını tutmaqla rekord qırıb. Bildirilib ki, hadisə corciyalı Ceymi Boyettin dostu və səkkiz yaşlı oğlu ilə birlikdə balıq ovuna çıxdığı zaman baş verib. Digər balıqlarla yanaşı, onlar 22 santimetr uzunluğunda kiçik bir balıq tutublar, ancaq bu balığın hans

7 iyul
.

Ağıllı kişisilər bu qadınlarla münasibət qurmurlar

Kişilər, qadınlar kimi, partnyor tərəfindən intellekt, cəlbedicilik, maraq və incəlik olan ideal bir münasibət xəyal edirlər. Onlar apriori əzab (əvvəlcədən gələn, bilinən-red.) gətirən əlaqələrdən qaçaraq tərəfdaşlığı və qarşılıqlı anlaşmanı qiymətləndirirlər. -ın xarici mətbuata istinadən məlumatın

13 iyul
.

Ruhunuzda hansı incikliyi saxlayırsınız: Psixoloji TEST

Test hansı vəziyyətdən hələ də çıxa bilməyəcəyinizi müəyyən edəcək. Kin saxlamağın psixi sağlamlığınız üçün pis olduğunu bilirdinizmi? Biz sizi hansı şikayətin (və kimə qarşı) əhvalınızı pozduğunu öyrənməyə dəvət edirik. -ın xarci mediaa istinadən məlumatına görə, insan ruhu bir qədər çiçək kimidir

13 iyul