Bəysiz "ərə getmək" indi dəbdədir... - Solo-toylar (MARAQLI)

"Yaponiyada getdikcə daha çox qadın özünü saxlamaq iqtidarındadır, ərə getməyə zərurət yoxdur..."

"Solo-toylar möhtəşəmdir, xoşbəxt olmağın çox üsulu var, ən əsası, ilk növbədə özünü sevməkdir..."

Yaponiyada nikahların azalması fonunda solo-toyların sayı artıb

Yaponiyada yeni dəb meydana çıxıb. Belə ki, qızlar ənənəvi nikah mərasimindən imtina edərək bəysiz toy edib özü-özlərinə ərə gedir.

Moderator.az xəbər verir ki, bu barədə Honkonqun "South China Morning Post" yazıb.

Bu arada isə özlərini kişilərlə ailə tellərilə bağlayanların sayı kəskin azalıb. Bəziləri yeni paltar geyinmək istəyir, digərləri öz həyatlarının vacib mərhələsini qeyd etmək üçün solo-toylar edir. Belə tədbirlərdə qadınlar bəydən başqa hər şeyi planlaşdırır. Böyüklər üçün videoulduz Mana Sakura buna misal ola bilər.

2019-cu ilin mart ayında özünün solo-toyunda o, barmağına üzük taxaraq cəsarətlə bəyan edib: "Mən öz həyatıma hörmət edəcəyəm. Xəstə və sağlam olanda özümü həmişə sevəcək və xoşbəxt edəcəyəm".

Xanaoka adlı başqa bir qadın öz solo-toyunu Tokio restoranların birində keçirərək 30 nəfər dostunu dəvət edib və ümumilikdə 250 min yen (2650 manat-red ) sərf edib. "Özümün özümlə nikahım o demək deyil ki, mən kişiyə ərə getmək istəmirəm", - o deyib.

"Mən blogerin məqaləsində solo-toylar haqqında oxudum və əvvəlcə düşündüm ki, bu, mənlik deyil. Lakin üç il bundan öncə məni xoşbəxt edən işlə məşğul olmağa başladım-gözəl geyimlər geyindim, dadlı yeməklərdən zövq aldım və çiçək ləçəkləri ilə vannalar qəbul etdim. Məhz o zaman mən düşündüm ki, özümə ərə gedəcəyəm", - Xanaoka əlavə edib.

Solo-toylar təkcə ərsiz qadınlara aid deyil. Belə ki, 2018-ci ildə ərdə olan 47 yaşlı Yuki belı bir mərasim təşkil edib. O, izah edib ki, özünü yenidən gəlin hiss etmək və rəmzi olaraq keçmişi ilə vidalaşıb yeni həyata başlamaq istəyir.

Ötən il Yaponiyada son 90 ildə nikahların sayı minimuma enib. Hökumətin məlumatına görə, ailə həyatı quranların sayı 500 min cütdən az olub.

Nikahların sayının azalması "tənha iqtisadi" seqmentin artımına gətirib çıxarıb, solo-toy mərasimləri isə toy biznes indisturiyası üçün yeni imkanlar yaradıb. Buradakı xidmətlərə gəlinin öz dostları və ya ailəsini dəvət edə biləcəyi fotosessiyalar, habelə özü üçün bal ayı təşkil etmək imkanı daxildir.

"Yaponiyada hazırda getdikcə daha çox qadın özünü saxlamaq iqtidarındadır, ərə getməyə zərurət yoxdur. Ona görə də onlar ənənəvi olaraq həyat yoldaşı və ana rolu ilə özlərini məhdudlaşdırmaq istəmir", - bunu yapon toy şirkətinin nümayəndəsi deyir.

Bəziləri qadın müstəqilliyinin təbliğinə alqışlayır. İnternet istifadəçilərindən biri yazıb: "Solo-toylar möhtəşəmdir. Xoşbəxtliyin əldə edilməsinin müxtəlif üsulları var. Ən əsası, əvvəlcə özünü sevməkdir".

Bununla yanaşı, bəziləri heyrət içindədir: "Mən heç nə anlamıram. Bu nə deməkdir, bundan sonra özünə ciddi yanaşmağı vəd edirsən? Bu, sadəcə, səni müdafiə etməli olan ərinin olmaması ilə bağlı istehzalardan yan keçmık üsuludur".

Çində də bununla bağlı müxtəlif fikirlər səsləndirilib.

"Çox gözəldir, mən də ərə getmədən toy paltarı geyinmək istəyirəm", - sosial şəbəkə istifadəçilərindən biri yazıb.

"Mən burada pis bir şey görmürəm, amma özünümən öz barmağına üzük taxması mənə qəribə gəlir", - digər istifadəçi yazıb.

"Bəlkə bu, toy hədiyyələrinin toplaması üçün sadə üsuldur?", - üçüncü istifadəçi zarafatla yazıb.

Telegramda izləyin