Uşaq xəstəxanasını vuran Rusiya BMT-də Kiyev kotletləri ilə təntənəli şam verdi... -"Arsızlığın son həddi"

Rusiya Federasiyasının Kiyevdə "Oxmatdet" uşaq xəstəxanasına qarşı törətdiyi terror aktını müzakirə edən BMT Təhlükəsizlik Şurasının iclasından sonra Rusiya Federasiyasının nümayəndəliyi BMT-də Təhlükəsizlik Şurasına sədrliyi şərəfinə rəsmi iclas iştirakçılarına şam yeməyi verib.

Moderator.az xəbər verir ki, bu barədə "Ukrinform" məlumat yayıb.

Rusiya Federasiyasının nümayəndələri menyuda naharlarının əsas yeməyi kimi Kiyev üslubunda kartof püresi ilə kotleti göstəriblər. Ukrayna saytları bu addımı "arsızlığın son həddi" kimi dəyərləndirib.

Ukraynanın BMT-dəki daimi nümayəndəsi Sergey Kislitsa terror dövləti nümayəndələrinin bu hərəkətinə münasibət bildirib.

"Rusiya diplomatiyasının mənəvi deqradasiyası göz qabağındadır, gələn həftə Nebenzyanin(RF-nin BMT-dəki nümayəndəsi-S.L.) şefi Lavrovu da Nyu-Yorka buraxacaqlar, bu səbəbdən BMT-nin qərargahında toksiklik səviyyəsi daha da artacaq. Yaxşı ki, Lavrova ABŞ hakimiyyət orqanlarının müəyyən etdiyi radiusdan kənarda hərəkət etməyə imkan vermirlər", - deyə Kislitsa qeyd edib.

Xatırladılır ki, daha əvvəl Kislitsanın BMT Təhlükəsizlik Şurasında Rusiya Federasiyasının "Oxmatdet"ə hücumla bağlı yalanlarını ifşa etdiyi bildirilib.

Bundan əlavə, daha əvvəl məlumat verilib ki, Ukraynanın BMT-dəki daimi nümayəndəsi Sergey Kislitsa Rusiya Federasiyasının qeyri-qanuni yolla aldığı BMT Təhlükəsizlik Şurasının daimi üzvü kürsüsündən məhrum edilməli olduğunu bildirib.

Telegramda izləyin