Heç bir arzusu qalmayan, istədiyi hər şeyi edən bəxtəvər

Dünyanın bir çox zəngin insanları istədiyi hər bir şeyi etmək imkanına malik sultana həsəd aparır. Ölkəsinin xalqı isə sultanın rifahından məmnundur. Çünki əhali də kasıb yaşamır.

Lent.az Bruney sultanının dəbdəbəli həyatı barədə məlumat verir.

Bruney sultanı Hassanal Bolkiah 53 ildir hakimiyyətdədir. Mütləq monarx eyni vaxtda baş nazir, müdafiə naziri və maliyyə naziri vəzifələrini birləşdirərək bir çox vəzifə tutur. O, həm də ali dini lider, dövlətin silahlı qüvvələrinin baş komandanı və hətta ölkənin əsas universitetinin rektorudur. Hazırda onun sərvəti 27,7 milyard dollar qiymətləndirilir. Bolkiahın Bruneydəki dörd iqamətgahından biri - Nurul İman planetin ən böyük iqamətgahı kimi Ginnesin Rekordlar Kitabına daxil edilib. Bu sarayın günbəzləri 22 karatlıq qızılla örtülüb. Burada 1788 otaq, 257 vanna otağı, 18 lift, 44 pilləkən, beş hovuz, 200 atlıq kondisionerli tövlə, 1500 nəfərlik məscid və yeraltı qaraj var. Sarayın ümumi sahəsi 200 min kvadratmetrdən çox, dəyəri isə 1,3 milyard dollardan çoxdur. Saraya 5000 insanyerləşə bilər. Bundan əlavə, Sultanın ailəsi dəbdəbəli otellər şəbəkəsinə, The Dorchester Hotelə və 12 ölkədə 150 evə sahibdir.

Bruney sultanı Hassanal Bolkiahın sarayının parkında doqquz minə yaxın superkar var: "Mercedes", "Ferrari" ( ən son modellərdən düz 400 ədəd Ferrarisi var), "Bentley", "Koenigsegg", "Lamborghini", "Aston Martin", "Jaguar" və "BMW". Onların ümumi dəyəri 6,5 milyard dollardır. Ən dəbdəbəli avtomobil xüsusi mərasimlər üçün istifadə edilən qızılla bəzədilmiş "Silver Spur" Limuzinidir. Məlumdur ki, 90-cı illərin ortalarında "Rolls-Royc"un gəlirinin 50%-ə qədəri Bruney sultanına və onun qardaşına avtomobil satışından gəlirdi. Bruney sultanının iki helikopteri, iki Boeing 747-400 və altı kiçik təyyarəsi var. Onun Boeing-də qonaq otaqları, yataq otaqları və qızıl əşyalarla vanna otağı var. Bruney sultanı üç dəfə evlənib və hər toya milyonlarla dollar xərcləyib. Monarxın on iki uşağından beşi artıq evlidir. Uitni Hyuston sultanın qızlarından birinin toyunda çıxış edib. Maykl Cekson 17 milyon qonorarla monarxın 50 illik yubileyini qeyd etməyə dəvət olunub. Ailəvi şənliklərdə çıxış edən dünya məşhurları arasında Elton Con, Diana Ross, Stevie Vonder, Bon Covi və Tina Turner var. İndi enerji resurslarının dəyəri yarıbayarı ucuzlaşıb, lakin onun hesabında hələ də 27,7 milyard dollar var. Sultan hər ay 10 milyon dollar xərcləyir.

Telegramda izləyin