Bu qəbirlərdə 8 at nə üçün basdırılıb? – Əsrlərdir gizli qalan hadisənin sirri açıldı- VİDEO

"Şərur rayonunun Xələc kəndi ərazisində aparılan arxeoloji qazıntılar zamanı dördkünc formalı iki binanın divarları, 30-51 santimetr hündürlüyündə sağlam şəkildə üzə çıxarılıb. İkinci binanın isə iki divarı aşkarlanıb. Diqqətçəkən əsas məsələlərdən biri isə divarı çəhrayı rəngli keramik təbəqə ilə suvanmasıdır. Bir yerdə isə saxsı suvaqlı divar 45-47 santimetr enində boşluq ilə kəsilib. Məhz həmin boşluğun altından daş sütun altlığı aşkar edilib".

Sonxeber.az xəbər verir ki, bununla bağlı "Aztv Xəbər "in hazırladığı videomaterialda bildirilib:

"Qazıntı zamanı məzarlıqda aşkar edilib üç uşaq qəbrinin üstü açılıb. İyulun sonunadək davam edən ekspedisiyanın növbəti mərhələsində yeni məlumatların əldə edilməsi gözlənilir.

Yardımlı rayonunun Urakəran kəndinin ərazisində isə Atropatena dövrü araşdırılıb. Antik dövrün nekropolunda 2200-2500 il bundan əvvələ aid daş və küp məzarlar aşkar edilib. Qəbiristanlığın bir hissəsində isə 8 atın basdırıldığı qəbirlər tapılıb. Bu da o dövrün yaşayış qaydalarını və dini rituallarını öyrənməyə imkan verir".

Ətraflı "Aztv Xəbər"in videomaterialında:

Telegramda izləyin

instagramda izləyin