Bir qorxumuz DAHA VAR: Bu arılar kirpiklərə qonur və göz yaşlarını əmirlər

Alimlər insanların kirpiklərinə qonan və gözlərindən yaş əmən arıların sirrini ortaya çıxarıb.

Sonxeber.az xarici mənbəyə istinadən xəbər verir ki, elm adamları bəzi canlıların anlaşılmaz davranışlarını şərh etmək üçün işlərini davam etdirirlər. Ancaq bir müddətdir araşdırma mövzusu olan arıların göz yaşlarını əmməsi bir çox insanın maraqlandığı mövzudur.

İlk növbədə burada "Laxrifaqiya"dan danışmaq lazımdır. Bu termin bir məxluqun digər bir canlının göz yaşını içməsi deməkdir. Bunun bir sıra səbəbləri var. Kəpənəklərdə, arılarda və tarakanlarda görülən bu davranış onların ehtiyaclarını həmin canlıdan qarşılamaqdan qaynaqlanır. Bir nəzəriyyəyə görə, kəpənəklər zülal üçün quşların göz yaşlarını, tarakanlar isə fosfor, natrium və azot üçün kərtənkələlərin göz yaşlarını əmirlər.

Tərkibində insan tərindən 200 dəfə çox zülal olan göz yaşı arılar üçün mühüm qida mənbəyidir. İnsanın göz yaşlarını udmaq üçün təkamül yolu ilə inkişaf edən üç növ arı var. Göz yaşları ilə qidalanan bu üç növ, lakrifagiya vasitəsilə polendən əldə edilən faydaları təmin edir.

Qeyd etmək lazımdır ki, göz yaşı ilə qidalanan arı növlərinin sancması yoxdur. Bu o deməkdir ki, insana zərər vermir. Bu arılar göz yaşlarını əmərək, mayeni kürəklərində saxlayırlar. Arıların niyə belə bir təkamülü izlədikləri hələ məlum deyil.

Telegramda izləyin