İsveçdə pəncərələrə pərdə taxmaq qadağandır – Səbəb təəccübləndirəcək

Əgər siz nə vaxtsa İsveçə səfər etsəniz, çox güman ki, əksər binalarda pəncərələrdə pərdələrin olmadığını görəcəksiniz.

Lent.az xəbər verir ki, bir çox isveçlilər qalın pərdələr bir yana qalsın, yüngül şəffaf pərdələrdən belə istifadə etmirlər.

Bəs, Skandinaviya ölkəsinin sakinlərinin bu davranışının səbəbi nədir?
Maraqlıdır ki, krallığın hələ də formal olaraq 17-ci əsrdə qəbul edilmiş qanunu var.

Hüquqi aktda pəncərələrin örtülməsinə qadağa qoyulması nəzərdə tutulur.

Qanun ölkənin hər bir sakininin öz imkanları daxilində qonşularının yaşamasına əmin olduğunu görmək üçün qəbul edilib.

Və pərdələrin olmaması həmin dövrlərdə kral mühafizəçilərinə istədikləri vaxt evlərə baxma imkanı verirdi. İnsanlar asayişi təmin etmək üçün belə nəzarətin zəruri olduğuna inanırdı.

Bir neçə əsr əvvəl tətbiq edilən qanun hələ də formal olaraq qorunub saxlanılır. İsveç sakinləri buna əməl etməyə borclu deyillər, lakin bir çoxları hələ də buna üstünlük verirlər.

Pəncərələrdəki şamlar

İsveçlilərin pəncərələrini örtməyi vacib saymamasının başqa səbəbi də var.

Bir zamanlar İsveçdə yaşayan bir çox kişi balıqçı idi. Evə gec qayıdırdılar. Qaranlıqda və küçə işıqlandırması olmayanda insan asanlıqla aza bilirdi.

Buna görə də qadınlar pəncərələrə şam qoyurdular. Onlar sonuncu "mayaklar" rolunu oynayırdı.

Şamların yanında pərdələrin olması yanğın riskini artırırdı. Buna görə bir çox insanlar pərdə asmaqdan imtina edirdi.

"Mayaklardan" istifadə ənənəsi bu günə qədər davam edir. Düzdür, şam yerinə çox vaxt fənərlər qoyulur.

Qısa gündüz saatları

Unutmaq olmaz ki, İsveç şimal ölkəsidir. Qışda gündüz işığının müddəti cəmi 6 saatdır.

Bir çox İsveçlilər tavan işıqlarını sevmirlər. Onlar bunun evdə daha rahat atmosfer yaratdığına inanaraq stolüstü lampalardan istifadə etməyə üstünlük verirlər.

İşıq çatışmazlığını pərdələri aradan qaldırmaqla kompensasiya edirlər.

Telegramda izləyin