Türkiyənin bu ərazisində 50 hektar meşə yanıb

Kahramanmaraşda 50 hektar meşə yanıb.

Sonxeber.az xarici mediaya istinadən xəbər verir ki, ahramanmaraşın Onikişubat rayonunda qırmızı şam meşəsində baş verən yanğın 18 saatlıq mübarizədən sonra nəzarətə götürülüb. Yanğın zamanı təxminən 50 hektar meşə sahəsinə ziyan dəyib.

Bölgəyə Meşə Region Müdirliyi və Böyükşəhər Bələdiyyəsi Xilasetmə Müdirliyindən çoxlu sayda qruplar sövq edilib. 250 personal, 27 çiləyici, 6 yanğınsöndürən maşını, 10 ilk müdaxilə maşını, 15 su çəni, 15 iş maşını, havadan söndürmə işlərinə 5 helikopter, 2 təyyarə və 1 PUA dəstək verib. 18 saatlıq işdən sonra alov saat 07.30 radələrində nəzarət altına alınıb.

Yanğının başvermə səbəbləri araşdırılır

Telegramda izləyin