Qızına təcavüz edən şəxsi diri-diri yandırdı

Həbsdən çıxandan sonra qızına təcavüz edən şəxsi diri-diri yandıran anaya həbs cəzası verilib.

İspaniyada yaşayan Mariya del Karmen Qarsianın qızı Veronika 1998-ci ildə qonşusu Antonio Kosme tərəfindən bıçaq zoru ilə təcavüzə uğrayanda cəmi 13 yaşında olub. Təcavüzkar cinayətə görə 9 il həbs cəzasına məhkum edilsə də, 2005-ci ilin iyununda sərbəst buraxılıb.

Həbsdən çıxdıqdan sonra Veronikanın anası Mariya ilə rastlaşan Kosme etdiyi iyrənc cinayətə görə peşman olmayıb və hətta "qızının necə olduğunu" soruşaraq Marianı ələ salıb. Daha sonra isə Marianın ailəsinin tez-tez getdiyi yerli bara gedib.

Yaxınlıqdakı yanacaqdoldurma məntəqəsindən benzin alan qadın kişinin olduğu bara daxil olaraq onun başına benzin tökərək yandırıb. Bədəninin 90 faizindən çoxu yanmış şəxs bir neçə gün sonra xəstəxanada dünyasını dəyişib.

Mariya qətlə görə 9 il yarım həbs cəzası aldığı halda, sonradan apelyasiya şikayəti əsasında bu cəza 5 ilə endirilib.

Sonxeber.az xarici mediya istinadən bildirir ki, ananın cəzasını minimuma endirmək üçün ölkə üzrə kampaniyaya start verilib. Ümumilikdə 1 il 10 gün həbsdə qalan Marianın cəzası, minlərlə imzanın toplandığı, tibbi sənədlərin onun ağır depressiya və narahatlıq keçirdiyini, daha əvvəl cinayət keçmişinin olmadığını əsas gətirərək azaldılıb.

Telegramda izləyin