Bu göldə çimənlərin saçları sarışın olur

Yay aylarında sərinləmək üçün Türkiyənin ən böyük gölü olan Van gölündə çimmək istəyən uşaqların saçlarının rəngi saralır.

Sonxeber.az Türkiyə mətbuata istinadən bildirib ki, Van Yüzüncü Yıl Universitetindən (YYÜ) prof. Dr. Hatice Uce Özkol gölə girənlərin, xüsusən də dərisi yağlı olanların bundan daha çox təsirləndiyini söyləyib: "Gölün sodalı suyu dərinin ölü təbəqəsini çıxarır. Buna görə də uşaqların tez-tez gölə çıxması saçlarını saralır".

Türkiyənin ən böyük gölü olan Vanın sahil xətti yayda Egey və Aralıq dənizi sahilləri qədər yaxşıdır. Dəniz səviyyəsindən 1700 metr yüksəklikdə, 3 min 713 kvadrat kilometr səth sahəsi və 451 metr dərinlikdə olan Van gölü təbii gözəllikləri və gizli körfəzləri ilə diqqət çəkir. Van gölünün sahilindəki qəsəbələrdə yaşayan uşaqlar da yayda gölə girirlər. Gölə girən uşaqların saçları sodanın təsirindən bir müddət sonra saralmağa başlayır. Tuşba mahalının Yaylıyaka məhəlləsində göldə çimən uşaqlar bu vəziyyətin gölün qazlı suyundan qaynaqlandığını bildiriblər.

Prof. Dr. Hatice Uce Özkol vurğulayıb ki, qışda saçlar öz rənginə qayıdır:

"Qışda saralan saçlar normal vəziyyətinə qayıdır. Önəmli olan saçların saralması deyil, bədəni qorumaqdır. Buradakı hündürlük çox yüksəkdir. Göldə üzən uşaqlar yanmamağa diqqət yetirməlidirlər. Çünki günəşin yaratdığı hər yanıq dəri xərçənginə səbəb olur. Bunun üçün də öncədən tədbir almaq lazımdır".

Telegramda izləyin

instagramda izləyin