145 milyon il əvvələ aid dinozavr ayaq izləri tapıldı

Çinin şimal-qərbində 145 milyon il əvvələ aid kiçik dinozavr ayaq izləri tapılıb.

Sonxeber.az xarici mediaya istinadən xəbər verir ki, Çinin şimal-qərbindəki Qansu əyalətində Təbaşir dövrünə (145 milyon il əvvəl) aid beş kiçik fosilləşmiş dinozavr ayaq izləri aşkar edilib.

Qansu əyalətindəki geoparkda işləyən işçilər tərəfindən tapılan ayaq izlərinin uzunluğu təqribən 1-3 santimetrdir.

Çin Geologiya Elmləri Universitetinin dosenti Xing Lida qeyd edib ki, sözügedən ayaq izləri əvvəlcə ölkənin Sıçuan hövzəsində, sonra Şandun əyalətində, daha sonra Koreya Respublikasında (Şimali Koreya) aşkar edilib.

Xing bildirib ki, son kəşf geoloji yaşların və dinozavrların müxtəlifliyinin öyrənilməsi üçün əhəmiyyətlidir.

Kəşfinin elmi əhəmiyyətini vurğulayan Xing bunun dinozavrların miniatürləşdirilməsinə yeni perspektiv gətirdiyini bildirib.

O, əlavə edib ki, bu ayaq izləri dinozavrların vərdiş və davranışlarını əks etdirməklə yanaşı, onların ətraf mühitlə münasibətlərinin öyrənilməsinə də işıq salır.

Telegramda izləyin

instagramda izləyin