Filistinli əsirə təcavüz edən əsgərlər ev həbsi cəzası alıb

İsrail hərbi məhkəməsinin qərarı ilə bir fələstinliyə təcavüz etməkdə günahlandırılan 5 əsgər ev dustaqlığına məhkum edilib.

Sonxeber.az xarici mediaya istinadən xəbər verir ki, hərbi məhkəmə, hərbi müstəntiqlərin araşdırmalarını tamamlamasını gözləmək üçün sözügedən əsgərlərin avqustun 22-dək ev dustaqlığında saxlanmasına qərar verib.

Hadisə təhlükəsizlik kamerası görüntüləri ilə qeydə alınsa da, əsgərlər həbs olunmayıb və məhkəmənin ev dustaqlığı qərarı geniş reaksiyalara səbəb olub.

İsrailin Kanal 12 televiziyası əsgərlərin Sde Teyman həbsxanasında saxlanılan bir fələstinliyə təcavüz etdiyi anları əks etdirən görüntüləri yayımlayıb.

Əvvəlcə nəzarətə alınan 10 əsgərdən 5-i sərbəst buraxılıb, digərlərinin vəziyyəti ilə bağlı istintaq davam edir. Əvvəlki açıqlamalarda məhkəmənin 5 əsgərin həbs müddətini avqustun 11-dək uzatdığı bildirilirdi.

Sde Teiman təcridxanası daha əvvəl insan haqlarının pozulması və işgəncələrlə gündəmə gəlmişdi. "New York Times" qəzetinin keçən ay dərc etdiyi xəbərə görə, təcridxanada saxlanılan fələstinlilər gündə 18 saata qədər açıq ərazidə, gözləri bağlı və qandallı şəkildə saxlanılır. Bu proses zamanı bir çox məhbusun qeyri-insani rəftar və işgəncələrə məruz qaldığı bildirilir.

Telegramda izləyin