Etdiyi yardım başına BƏLA OLDU: Vətənə xəyanətə görə 12 il həbs CƏZASI VERİLDİ - FOTOLAR

Rusiyada Ukrayna ordusu üçün pul toplamaqda ittiham olunan vətənə xəyanətdə təqsirli bilinib.

Sonxeber.az xarici mənbəyə istinadən xəbər verir ki, ABŞ və Rusiyada ikili vətəndaşlığı olan Kseniya Xavana Ukrayna ordusu üçün pul toplamaqda ittiham olunaraq vətənə xəyanətdə təqsirli bilinib və 12 il azadlıq məhrum edilib.

Rusiyanın Federal Təhlükəsizlik Xidməti bir sıra iddialar irəli sürüb. İddia olunur ki, Xavana "Ukrayna təşkilatlarından birinin maraqları naminə fəal şəkildə pul toplayıb. Vəsait sonradan Ukrayna Silahlı Qüvvələri üçün taktiki tibbi ləvazimatlar, avadanlıq, silah və sursat almaq üçün istifadə edilib.

Keçmiş balerina olan Xavana amerikalı ilə evləndikdən və Los-Ancelesə köçdükdən sonra ABŞ vətəndaşlığını alıb. Rusiya dövlət mediasına görə, ailəsini ziyarət etmək üçün Rusiyaya qayıdan Xavana Yekaterinburqda həbs edilib.

Məhkəməyə çıxarılan qadın qapalı keçirilən iclasda ona qarşı irəli sürülən ittihamları qəbul edib. Vəkili Mixail Muşailov bildirib ki, Xavana pulun köçürülməsi əməlini etiraf edib. akin vəsaitin "anti-Rusiya təbliğatı" üçün istifadə olunacağından xəbərsiz olub. Vəkil qərardan apellyasiya şikayəti verməyi planlaşdırdıqlarını bildirib.

Kris Van Heerden həbs qərarı çıxarılandan bəri yoldaşı Xavananın azadlığa buraxılması üçün kampaniya aparır. Qadın yoldaşı Los-Anceles qəzetlərindən birinə açıqlama verib:

"Ukraynadakı müharibəyə görə yoldaşıma Rusiyaya getməyinin təhlükəli olacağını dedim. Lakin, o ənə rus olduğu üçün heç bir problemi olmayacağına dair üminlik verdi. Yoldaşımın azadlığa buraxılması üçün əlimdən gələni edəcəm".

Telegramda izləyin