Diş ağrısından yuxuya gedən 14 yaşlı qız 32 il sonra OYANDI - FOTOLAR

İsveçli Karolina Olsson real həyatda "yatmış gözəl" kimi tanındı.

Sonxeber.az xarici mənbəyə istinadən xəbər verir ki, hekayəyə görə, 14 yaşında yuxuya gedən Karolina 46 yaşında oyanıb. Karolina 29 oktyabr 1861-ci ildə beş qardaşın yeganə qızı olaraq anadan olub.

14 yaşına qədər normal bir həyatı olub. Lakin 1876-cı ildə bir gün o, evə şişmiş üzü və dözülməz diş ağrısı ilə qayıdıb. Ailəsinə buz bağlayan bir çaydan keçərkən ayağı sürüşdüyünü deyib. Ağrı dözülməz hala gələndə 14 yaşlı qız yatıb. Lakin ailəsi onun 1908-ci ilə qədər oyanmayacağını bilmirdi.

Karolinanın ailəsi əvvəlcə narahat olub. Ailəsi və Qonşuları həkim çağırmaq üçün pul toplasalar da, Karolinanı ayılda bilməyəndə mütəmadi müayinələrə razılaşıblar. Zaman keçdikcə Karolinanın vəziyyəti dəyişmədi. Xəstəxanaya aparılıb və bədəninə elektrik şoku verilib. Buna rəğmən qızın səhhətində bir dəyişiklik olmayıb və hələ də yuxuda olub.

Karolinanın anası illər ərzində ona qulluq etməyə davam edib və yatdığı vaxt anası qızına süd içizdirib. 105-ci ildə Karolinanın anası vəfat edib və ona baxmaları üçün qulluqçu işə götürülüb. Üç il sonra qulluqçu Karolinanın otağından qəribə səslər eşidib. Qaçıb yuxarı qalxanda 46 yaşlı qadını otaqda səndələyərək gəzdiyini və ağladığını görüb. Karolinanın yatdığı 32 ili xatırlamadığı və artıq qardaşlarını tanımadığı deyilir. Maraqlıdır ki, Karolina yatdığı vaxtlardan çox da təsirlənməyib.

Bir neçə həftə ərzində o, gücünü və danışma qabiliyyətini bərpa edib. Bundan sonra insanlar arasında şayiələr yaranmağa başladı. Bunun bir oyun olduğu yaxud illərdir yatmadığına dair fikirlər səsləndirildi. Lakin verilən suallar ilə bağlı heç bir nəticə əldə edilməyib.

İsveçli psixiatr Harald Fröderström, Karolinanın travmatik bir hadisə nəticəsində hansısa psixozdan əziyyət çəkdiyinə inanır. Buna baxmayaraq, 46 yaşlı qadının həayt hekayəsi hələ də sirr olaraq qalmaqdadır. Oyandıqdan sonra Karolina daha 42 il yaşadı və 1950-ci ildə vəfat edib.

Telegramda izləyin