Bu adam aliment ödəməmək üçün özünü ölü kimi GÖSTƏRDİ - FOTO

ABŞ-nin Kentukki ştatında yaşayan Cessi Kipf boşandığı həyat yoldaşına aliment ödəməyərək qalmaqal yaradıb.

Sonxeber.az xarici mənbəyə istinadən xəbər verir ki, övladları üçün 100 min dollar aliment ödəmək istəməyən Kipf hökumətin ölüm qeydiyyatı sisteminə kiberhücum təşkil edib.

Başqa ştatda yaşayan həkimin hesabına daxil olan Kipf həkimin bütün istifadəçi ad və şifrələrini oğurlayıb.

Həkimin məlumatlarından istifadə edərək Havayda ölüm qeydiyyatı sisteminə daxil olan Kipf özü üçün "ölüm şəhadətnaməsi" hazırlayıb və məlumatını oğurladığı həkimin rəqəmsal imzası ilə bu sənədi imzalayıb.

Hər şey üzə çıxandan sonra prokurorluq sözügedən şəxsin saxlanıldığını bildirib. Kipf bir neçə hökumət məlumat bazasında özünü "ölü şəxs" kimi təqdim etdiyini etiraf edərək, bunu uşaqlara aliment ödəmək istəmədiyi üçün etdiyini deyib. Müxtəlif ştatlarda qeydiyyat sistemlərini, özəl biznes və ictimai şəbəkələri də "sındıran" Kipf bu şəbəkələrə giriş məlumatlarını başqalarına da satmağa çalışıb.

Törətdiyi əməlləri boynuna alan Kipf "dələduzluq və şəxsiyyətin oğurlanması" kimi maddələr ilə məsuliyyətə cəlb olunub. Sözügedən cinayət əməllərinə görə təqsirləndirilən şəxsə 7 il həbs cəzası verilib.

Telegramda izləyin