Müğənni Nilufər uşaq qaçırıb ?

Reha Muxtarın keçmiş həyat yoldaşı Dəniz Uğur atasının yanında olan oğlunu qaçırdığını iddia edərək müğənni Nilüfer və qızı Ayşə Nazlı Yumluya qarşı cinayət işi qaldırıb. Baş verənlərdən sonra Nilüfer sosial media hesabından açıqlama verib.

Sonxeber.az türk mediasına istinadən xəbər verir ki,jurnalist Reha Muxtar bir müddət əvvəl pilləkənlərdən yıxılaraq intubasiya edilərək reanimasiyaya aparılıb. Qəzadan sonra Reha Muxtarın keçmiş həyat yoldaşı Dəniz Uğurun vəkili Feyza Altun Muxtarın oğlu Poyrazın müğənni Nilüfer və qızı Ayşe Nazlı Yumlu tərəfindən qaçırıldığını iddia edib. Bu iddialardan sonra Feyza Altun Ayşe Nazlı Yumluya qarşı cinayət işi qaldırıb.

Məsələ ilə bağlı susqunluğunu pozan müğənni Nilüfər sosial media hesabında video paylaşaraq açıqlama verib. Nilüfer hadisə ilə bağlı bu açıqlamaları verib:

"Salam əziz izləyicilərim. İlk öncə qeyd edim ki, uşaq oğurluğu və ya qaçırma kimi bir şey yoxdur və iddialar tamamilə iyrənc böhtandır. Hazırda arxamdakı mənzərəni görürsünüzmü? Mən Bodrumdayam. Dörd gündür ki, qızım İstanbuldadır. Səhər saatlarında o mənə zəng etdi. "Atam yıxılıb və reanimasiyaya aparılıb" dedi. Çox üzüldüm və qızıma atasının yanına getməsini tapşırdım. Hadisə baş verəndə Poyraz və Reha evdə tək olublar. Reha yıxılanda Poyraz qonşuya kömək çağırmağa gedib. Təcilli tibbi yardım gəlib və onlar xəstəxanaya gediblər. Poyraz gecə xəstəxanada tək olub. Ayşəyə zəng edib amma cavab ala bilməyib. Səhər isə anasından əvvəl Ayşə ilə əlaqə saxlayıb və xəstəxanaya çağırıb. Poyraz bir müddət əvvəl atası ilə yaşamağa qərar verib və o anasının yanına getmək istəmir, səbəblərini izah edə bilmirəm, ailə münasibətlərinə qarışa bilmərəm. Ayşe Nazlı atası reanimasiyada olduğu üçün xəstəxanada ağlayırdı. Ögey də olsa Poyraz da onun qardaşıdır. Poyraz evdə it və pişiyi olduğu üçün evə getmək istəyib. Ayşə Poyrazı Reha bəyin evinə aparıb. Həmin vaxt mənə zəng gəldi ki, 'Ayşə Poyrazı xəstəxanaya gətirməsə, cinayət işi açacağıq'. Ona görə də qızıma dedim ki, qardaşıyla yenidən xəstəxanaya getsin. Hadisə belə baş verib. Ayşə sadəcə böyük bacısı kimi Poyrazın istəyini yerinə yetirib.

Bu böhtanı atanlar haqqında danışmaq və onları məhkəməyə vermək istəmirəm. Mən bu cür pisliyə dözə bilmirəm. Tək məsləhətim odur ki, yaxşı insan olmağa çalışsınlar".

Telegramda izləyin