Azərbaycanda bir ilk – Şəki sakini 60-dan çox ölkədən olan çayniki bir yerə topladı- VİDEO

Şəkinin Baş Küngüt kəndinin sakini Sadiq Mustafazadə 30 ilə yaxındır ki, çaynik kolleksiyası toplayır. Kolleksiyada 6 qitədən, 60-dan çox ölkədən 350-yə yaxın çaynik var.

Sonxeber.az xəbər verir ki, kolleksiyaçı Sadiq Mustafazadə "Apa TV"yə açıqlama verib:

"Dünyanın hər yerindən burada alınma çaydanlar var. Mənim də hobbimdir. Mən də səyahəti və gəzməyi çox sevirəm. Dünyanın 65 ölkəsində olmuşam. 60-dan çox ölkədən nümunə var. Amma elə nümunələr var ki, onları mənə alıb göndəriblər. Onlar bizim belə maraqlarımız olduğunu bilirlər. Bunların hamısı işlək çayniklərdir. Bunların hamısı insanların marağını cəlb etdiyi üçün muzey halında qoruyub saxlayıram".

Kolleksiyada olan ilk çaynik 1995-ci ildə İsraildən alınan "oxuyan bayquş" adlı çaynikdir. Eyni zamanda bu muzeydə əl işi olan çayniklərdə var. Həmin nümunələr sifarişlə hazırlanıb və ikinci bir nüsxəsi yoxdur.

Ətraflı "Apa TV"nin süjetində:

Telegramda izləyin