Uşaqlara cinsi zorakılıq edənlərə kimyəvi və cərrahi kastrasiya tətbiq OLUNACAQ - FOTO

Qazaxıstanda pedofillərə qarşı sərt tədbirlər görülür.

Sonxeber.az xarici mənbəyə istinadən xəbər verir ki, bu insanlara ildə 24 dəfə orqanizmdə dəyişiklik edən iynələr vurulacaq. Eyni zamanda, ölkədə uşaq istismarı ilə bağlı ən pis cinayət törədənlərə cərrahi kastrasiya (axtalatma) tətbiq etmək üçün kampaniya aparılır.

Qazaxıstan pedofillərə qarşı dünyanın ən sərt qanunlarından birinə malikdir. Cinayətkarların ünvanları həbsdən çıxandan sonra yayımlanır. Hakim Əmanət Partiyasından olan millət vəkili Elnur Beysenbayev hazırkı tədbirlərin yetərli olmadığını və məhkəmələrə bir variant kimi cərrahi kastrasiyanın təqdim edilməsinin vacibliyini bildirir.

Beysenbayev uşaqlara qarşı cinsi cinayətlərin artdığını bildirir və kimyəvi kastrasiyanın effektli olmadığını iddia edir. O deyir ki, hökumət insan haqları ilə bağlı narahatlıqlara baxmayaraq, xüsusi amansız hallarında cərrahi kastrasiyaya yönəlməyə davam edəcək.

Bu müzakirələr onu göstərir ki, ölkədə uşaq zorakılığına qarşı görüləcək tədbirlərlə bağlı ciddi ictimai-siyasi müzakirələr davam edir.

Telegramda izləyin