Harri Poterin dünyası Adolf Hitlerə BƏNZƏYİR? - İDDİA

Alman tədqiqatçı və hüquqşünas Jannina Şeffer hesab edir ki, Harri Potter kitabları və filmləri Adolf Hitlerin nasist Almaniyasını xatırladır. Bununla bağlı mövqeyini dissertasiyasında bildirib.

Sonxeber.az xəbər verir ki, bu barədə "Daily Star" nəşri məlumat yayıb. Tədqiqatçı bildirib ki, nasist Almaniyası ilə bağlı fərziyyələri ciddi qəbul edir və Harri Potterin sehrli dünyası ona Üçüncü Reyxi xatırladır. Sehrbazlar dünyasının siyasi və hüquqi sistemləri isə Lord Voldemort nəzarəti ələ keçirməzdən əvvəl Adolf Hitlerinki ilə qeyri-adi dərəcədə oxşardır. Şeffer tədqiqatın 549 səhifəsini bu məqamlara həsr edib.

Tədqiqatçının araşdırmaları isə qalmaqala səbəb olub və fikirləri rədd edilib. Etirazlara baxmayaraq tədqiqatçı araşdırması ilə bağlı açıqlama verib:

" AFD partiyasınln yüksəlişi həqiqətən qorxuludur. Biz daha bir nasist partiyasının hakimiyyətə gələ biləcəyindən çox narahatıq. Məncə Harri Potter kitabları bununla bağlı ən böyük xəbərdarlıqdır".

Şeffer qeyd edib ki, o, uşaqlıqdan Harri Poter fanatı olub. Yaş aldıqca romanın müsbət və mənfi tərəfləri ilə maraqlanıb. Bu baxımdan tezisində yer alan məlumatlarda ciddi olduğunu bildirib.

Telegramda izləyin