Qadın nənəsinin ad günü üçün restorana TORT GƏTİRDİ: Kəsilməsi üçün 659 avro pul İSTƏDİLƏR

İtaliyada baş verən bir hadisə sosial şəbəkələrdə ciddi müzakirə yaradıb. Hesika adlı bir qadın nənəsinin ad gününq eyd qetmək üçün onu restorana aparıb.

Sonxeber.az xəbər verir ki, hadisənin təfərrüatları ilə bağlı "The Mirror" nəşri məlumat verib. Nəşr yazır ki, restoranda qadına təxmin etdiyindən böyük məbləğdə hesab təqdim olunana qədər hər şey yaxşı idi.

Məlum olub ki, restoranın işçiləri müştərilərdən tortun kəsilməsinə görə 659 (1241 manat) avro məbləğində ödəniş alır. Eyni zamanda xidmət haqqı üçün əlavə olaraq 59 avro pul tələb olunub. Restoran işçiləri bildirib ki, bu müəssisənin qaydalarıdır və müştərilər xidmət üçün pul ödəməlidir.

İtaliyada bir çox mətbuat bu hadisə ilə bağlı ictimaiyyətə yazılar təqdim edib. Sosial şəbəkələrdə İtaliyada xidmətin keyfiyyəti və xidmət haqlarının əsassız olaraq artırılması ilə bağlı fikirlər yayılıb.

Qadın məsələ ilə bağlı açıqlama verib: "Yaşananların qalmaqala hay-küyə səbəb olacağını bilmirdim. Məndən tələb olunan məbləğ həqiqətən yüksək idi. Ona görə də baş vernləri "Facebook" hesabımda paylaşmaq qərarına gəldim".

Adı açıqlanmayan restoran sahibi yerli mətbuata bildirib ki, ofisiantlar restoranda sifariş edilən yeməkləri təqdim etmək üçün pul tələb etmirlər, lakin qonaqlar tortu başqa bir yerdən alıblar. Belə olan təqdirdə işçilərin əməkhaqqını ödəmək üçün bu qaydaların vacib olduğunu diqqətə çatdırıb:

"Restoranda qabları yuyanlara və ofisiantlara əməkhaqqı verməliyəm. Bununla yanaşı restoranın bir sıra xərcləri var. Bütün bu xərcləri mən necə qarşılayım?"

Restoran sahibi qeyd edib ki, özü orada olsaydı belə hal baş verməzdi və müştəriyə endirm edə bilərdi:

"Yersiz dedi-qodular yaymaqdansa müştəriyə 50 avro məbləğində endirim edib, onu sevindirmək daha yaxşı olardı".

Telegramda izləyin