Ata yeni doğulacaq qızına maşın hissəsinin adını QOYMAQ İSTƏYİR

Yeni doğulan körpələrə ad qoymaq heç də asan olmur. Xüsusən də valideynlərdən biri fikirlərdən razı deyilsə, məsələ bir qədər qəlizləşir. Bir cütlük yaxın vaxtda qız övladları olmasını gözləyir. Onlar ad qoymaq məsələsində problemlə üzləşib və ata bununla bağlı yoldaşına güzəştə getmək istəmir. Qadın bildirib ki, əri uşaqlıq arzusu olduğu üçün qızına avtomobil hissəsinin adını qoymaq istəyir.

Sonxeber.az xəbər verir ki, bu barədə "The Mirror" nəşri yazıb. Adını açıqlamaq istəməyən qadın məsləhət almaq üçün "Reddit" istifadəçilərinə müraciət edib. Ana olmağa hazırlaşan qadın həyat yoldaşı ilə uşaq gözlədiklərini və qız övladlarının olacağını öyrəndikdən sonra çox sevindiyini bildirib. Onun sözlərinə görə, yoldaşı məktəb illərindən bu adı çox sevir və körpəyə qoymaq niyyəti var:

"Həyat yoldaşım ilə uşağın adı ilə bağlı razılığa gələ bilmirik. O, mənə deyib ki, uşaqlıqdan bəri arzusunda olduğu bir ad var - "Çassi". İkimizdə qız övladımız olacağı üçün çox sevinirik. Amma mən övladımın avtomobil hissəsi adını daşımağını istəmirəm. Eyni zamanda, həmin adın səslənməsini bəyənmirəm".

Bununla belə, kişi bunun indiyə qədər bəyəndiyi yeganə qız adı olduğunudeyir və başqa adları nəzərdən keçirməyi imtina edir.
"Hər dəfə mən ad fikirləşmək istəyəndə o bunu düşünmək istəmir. Hətta söhbətlərdən yayınır. Mən adlardan hansının bizə uyğun olduğunu görə biləcəyimiz proqramı yükləməyə çalışdım. Pis fikirlər yox idi. Amma "Çassi" adı ilə nə edəcəyimi bilmirəm".

İstifadəçilər qadına ərinin eqoist olduğunu deyib. Onların sözlərinə görə, ata olmağa hazırlaşan kişi bu gedişlə özünü gülünc vəziyyətə salacaq.

Telegramda izləyin