Əsgər bir ay yeməksiz qalsa da döyüşdən SAĞ ÇIXDI

Rus əsgəri Donetsk Xalq Respublikasında (DXR) bir aya yaxın tarlada yeməksiz qalıb və sonda sağ evakuasiya edilib.

Moderator.az xəbər verir ki, bu barədə "RT in Russian" Telegram kanalı məlumat yayıb.

Jurnalistlərin məlumatına görə, 51 yaşlı hərbçi Axmat xüsusi təyinatlı əsgərlərdən biri olub. Döyüşlər zamanı o, Ukrayna Silahlı Qüvvələrinin (USQ) əsgərləri ilə vuruşub və Kleşçeevka yaxınlığındakı bir tarlada mərmi zərbəsi nəticəsində su, yemək, geyim və rabitəsiz qalıb.

Nəticədə Rusiya ordusunun əsgərləri onu təxliyyə edə bilməyincə hərbçi atəş altında bu mövqelərdə təxminən bir ay qalıb. Bütün bu müddət ərzində yağış suyu içib.

Eyni zamanda, Ukraynaya məxsus pilotsuz uçuş aparatı ərazini izlədiyi üçün digər əsgərləri onu tərk etməyə razı salıb. Uğurlu evakuasiyadan sonra taqətdən düşmüş Axmat xəstəxanaya göndərilib.

Bundan əvvəl məlum olub ki, iki rusiyalı hərbçi Ukrayna Silahlı Qüvvələrinə məxsus pilotsuz təyyarələrin DXR-in Pokrovsk istiqamətində kütləvi hücumunu dəf edib. Rusiya Silahlı Qüvvələrinin əsgərləri pilotsuz təyyarələrdən nəinki uğurla uzaqlaşıb, həm də onların bəzilərini atıcı silahlardan istifadə edərək vurublar.

Telegramda izləyin