Ağzı bağlı ifa edən Leyla amerikalı ilə AİLƏ QURDU: "Toyumuza dünyanın hər yerindən gəldilər" - VİDEO

"Səs Azərbaycan" layihəsində qeyri-adi bacarığı ilə yadda qalan Leyla Tağıyeva amerikalı Miguel Patino ilə ailə qurub.
Sonxeber.az xəbər verir ki, Həm ABŞ-də, həm də Bakıda toy edən cütlük Hyuston Universitetində başlayan sevgi və tanışlıq hekayələrini "AStar TV" ilə bölüşüb:

"Miguel ilə Hyuston Universitetində tanış olmuşuq. Mən ora magistratura təhsili almaq üçün köçmüşdüm. O mənim mentorum olaraq universitetə təyin olunmuşdu. Mənə işlərimdə kömək edirdi və beləliklə dostlaşmağa başladıq. Hazırda ictimai əlaqələr üzrə təhsilimi davam etdirirəm. Miguel özü də iqtisadiyyat və siyasət üzrə təhsil alır".

Leyla Tağıyevanin sözlərinə görə Miguel xasiyyət və savad baxımından digərlərindən fərqlənirdi:

"Söhbət əsnasında biz bunu aşkar etdik. İkimiz çox yaxşı yola gedirdik. Dəyərlərimiz və fikirlərimiz üst-üstə düşür. Vaxtımızı birlikdə keçirməkdən zövq alırıq. Bir-birimizin ən yaxşı və ruh əkizi idik. Daha sonra ailələrin razıları olduqdan sonra evlənməyə qərar verdik. Ailəm qərarımı eşitdikdə əvvəlcə şok oldu. Məsələni bir neçə həftə ərzində yavaş-yavaş izah etməli oldum. Amma daha sonra hər ikisi qərarımı dəstəklədilər".

Miguel müsahibə zamanı öz maraqlı təəsuratlarıni bölüşüb:

"Valideynlərim əvvəlcə inanmadı. Bir az sürpriz kimi gəldi. Çünki bunun daha əvvəl söhbəti olmamışdı. Bunu tam ciddiyə almamışdılar. Leyla ilə onları tanış etdikdən sonra gördülər ki, həqiqətən məsələ ciddidir ".

Ətraflı videomaterialı təqdim edirik:

Telegramda izləyin