Bağça müdiri uşaqdan hədiyyə qəbul etdiyi üçün İŞDƏN QOVULDU

Dünyanın bir çox ölkələrində müəllimlər uşaqlardan pul yaxud hədiyyə aldığı üçün işdən qovulur. Ölkələrdə nazirliklər müəllimlərə şagirdlərdən yaxud onların valideynlərindən hədiyyə, pul almasını qadağan edib.

Sonxeber.az xəbər verir ki, belə bir hadisə Çində baş verib. Bu barədə "South China Morning Post" nəşri məlumat yayıb. Nəşr yazır ki, uşaq bağçasının müdiri şagirddən 1 dollar dəyərində bir qutu konfet alıb. Təhsil müəssisəsində quraşdırılmış təhlükəsizlik kameralarında həmin kadrlar lentə alınıb. Bağça müdiri konfeti qəbul etdiyi üçün işdən qovulub.

Məsələ ilə bağlı bağça müdiri məhkəməyə müraciət edib. 10 sentyabr Çində "müəllimlər günü" kimi qeyd olunur. Həmin ərəfədə uşaqların müəllimlərinə hədiyyə və açıqca vermələri adi hal olaraq qəbul edilir.

Məhkəmə isə bağça müdirinin qanunsuz olaraq işdən çıxarıldığı qənaətinə gəlib. Nazirliyin ona təzminat verməyi ilə bağlı qərar çıxarıb. Apellyasiya şikayətindən sonra ilkin hökm qüvvədə saxlanılıb.

Qadının başına gələnlər sosial şəbəkələrin əsas müzakirə mövzusuna çevrilib. İstifadəçiləör müəllimə öz dəstəklərini ifadə ediblər:

"Necə də gülüncdür. Cəmi 6 yuan dəyərində hədiyyəni qəbul etdiyi üçün müəllimi işdən qovublar. Bu cür ədalətsizliyi edənlər aır cəzalandırılmalıdır".

Telegramda izləyin