Ana "bu sənin qanında var" dedi: Qızının başında düyü kisəsi DAŞITDI - FOTOLAR

Ana övladlığa götürdüyü 9 yaşlı qaradərili qızının başında düyü kisə daşıtdırmaq istəyib.

Sonxeber.az xarici mənbəyə istinadən xəbər verir ki, ananın etdiyi bu hərəkət sosial şəbəkələrdə müzakirələrə səbəb olub. Sosial şəbəkələrdə tənqidlərə məruz qalan qadın etdiyi əməlləri müdafiə edib.

Kadrlarda qadının övladlıq qızına "kisəni afrikalı kimi başına qoy" dediyi eşidilir. Balaca qız başında kisəni daşıyan zaman çətinlik çəkib. Ananın bu zaman işlətdiyi sözlər is hamını şoka salıb:

"Cəld ol. Bunu necə edəcəyini yaxşı bilməlisən. Bütün bunlar sənin qanında var".

Videoda "Nigeriyaya çatanda daha çox məşq edəcəyik" yazısı var. Daha sonra qadın eyni hərəkəti etməyə başlayıb və kisənin nə qədər ağır olduğunu hiss edib. Videoya edilən tənqidlərdən sonra ana "İnstagram" hesabında açıqlama verib:

"Biz 2 ildən çoxdur ki, Afrikanın müxtəlif ölkələrində yaşadıq, insanlarla yaxından vaxt keçirdik. Biz onların mədəniyyəti ilə yaxından tanış olduq. Onlar buna görə heç vaxt incimirlər və bu mədəniyyətlərini təkrarladığımız üçün məmnundurlar".

Bir çox insan bu davranışın uşaq istismarı olduğunu və gənc qızın daha yaxşı bir ailəyə layiq olduğunu bildirib.

Telegramda izləyin

instagramda izləyin