Bekhem Viktoriyanı ilk görüşdə heyrətləndirmək üçün nə edib?

Viktoriya Bekhem əri Devidin brendi sevdiyini dedikdən sonra ilk görüşlərində onu "təəssüratlandırmaq" üçün tamamilə yeni Prada kostyumu aldığını açıqlayıb.

Lent.az-ın xarici mediaya istinadən məlumatına görə, 50 yaşlı modelyer Disney+-da yayımlanmağa başlayan In Vogue: The 90s adlı yeni sənədli filmin epizodunda münasibətlərinin başlanğıcı haqqında danışıb.

Dizayner geyimlərinə olan sevgisindən danışarkən o, belə xatırlayıb: "Versace, Prada və Gucci mənim sevimli dizaynerlərim idi. Onlar o vaxt nə edirdilər? Düşünürəm ki, onlar həqiqətən də məşhurluğun gücünü başa düşürdülər... 1997-ci ildə Devidlə ilk dəfə tanış olanda o, mənim dizayner paltarlarını sevən Spice Girl olduğumu eşitmişdi".

Onun sözlərinə görə, bu səbəbdən futbolçu təəssürat yaratmaq üçün ilk görüş üçün "Prada"dan kostyum alıb. "Və Prada olduğu üçün uğur qazandı".

Telegramda izləyin