Keçmiş model 15 yaşlı qızına zorakılıq etdiyi üçün həbs edildi

Keçmiş model Deniz Akkaya 15 yaşlı qızına qarşı zorakılıq etdiyi üçün 4 ay 27 gün həbs cəzası alıb.

Sonxeber.az türk mediasına istinadən xəbər verir ki, keçmiş model Deniz Akkayanın 'nəslinə silahla sadə yaralama' cinayəti ilə mühakimə olunduğu işdə İstanbul Asliye Cəza Məhkəməsində keçirilən iclasda qərar verilib.

Məhkəmədə bildirilib ki, hadisə baş verən gün Akkaya ilə qızı A.Ö. arasında naməlum səbəbdən mübahisə olub və mübahisə zamanı Akkaya dəmir termos və simsiz qulaqlığı qızının başına atıb. Sonra onu təpiklə vurub və boğazını sıxıb. Bu səbəblərə görə məhkəmə, qızı A.Ö.-nin ondan şikayətçi olmadığını nəzərə alaraq, Akkayanı "nəslinə silahla sadə yaralama" maddəsi ilə 4 ay 27 gün həbs cəzası verib.

Qeyd edək ki, may ayında Deniz Akkaya mübahisə etdiyi qızının onu eyvanda kilidlədiyini əsas gətirərək evinə polis çağırıb və qızından şikayət edib. Bu proses zamanı baş verən hər şeyi X hesabında paylaşan Akkaya qızının otağında ikinci mobil telefon tapdığı üçün onunla mübahisə etdiyini bildirib. Ardıcıl paylaşımlar edən Akkaya qızı ilə vaxt keçirmədiyini, ehtiyaclarını ödəmədiyini iddia edərək keçmiş həyat yoldaşını da hədəfə alıb. Daha sonra qızını öz istəyi ilə dövlət himayəsinə verib. Bir müddət sonra isə dövlət himayəsində olan qızını öz icazəsi ilə atası Efe Önbilginin yanına göndərib.

Hadisə ilə bağlı araşdırmalar davam edir.

Telegramda izləyin