"Ələddin" gerçək OLDU: Kişi dağdan uçan xalça ilə ENDİ - VİDEO

Macəra yaşamaq istəyən Freddi Montinni illərdir arzusunda olduğu bir anı gerçəkləşdirib. Fransada 44 yaşlı kişi "xalça-təyyarə" ilə 2400 metr yüksəklikdəki Krua de Tot dağından tullanıb.

Sonxeber.az xəbər verir ki, bu barədə "The Daily Star" nəşri məlumat yayıb. Nəşr bildirir ki, kişi uşaqlıqdan " Ələddin" olmaq arzusu ilə yaşayıb. O, illərdir ekstremal idman növlərini öyrənməyə çalışır. Freddi 25 yaşında yamac paraşütünə, 30 yaşında paraşütlə tullanmaya və 35 yaşında deltaplanla məşğul olmağa başlayıb:

"Mən hələ də inana bilmirəm. Arzularımı reallaşdırdım. Bütün bu dərslər mənə xalça təyyarəsində uçmaq sənətini mənimsəməyimə kömək etdi".

İdman sahəsində əldə etdiyi uğurlar ilə Freddi unikal fəndlər hazırlaya bilib:

"İdman növlərində maraqlı nailiyyətlər əldə etdim. Paraşüt mənim əsas təhlükəsizliyimdir. Təhlükəli hal yaşanan zaman paraşütü açıb xalçanı buraxa bilərəm".

44 yaşlı kişi deyib ki, indi onun arzusu reallığa çevrilib. Ancaq xalça-təyyarə ilə uçmaq əfsanələrdəki kimi deyil:

"Uçan xalçam sayəsində yeni məqamlar kəşf etdim. Bununla istənilən yerə çox uçmaq olmur. Amma reallığa meydan oxumaq üçün heyrətamiz bir yoldur".

Ətraflı videomaterialı təqdim edirik:

Telegramda izləyin

instagramda izləyin