Bu maşın insanları ölümə aparır

İsveçrədə istifadəçilərin intihar etməsinə imkan verən "Sarko" adlı intihar "maşını" hazırlanıb.

Sonxeber.az xarici mediaya istinadən xəbər verir ki, "Sarko" 1990-cı illərdən bəri intihar mövzusundakı araşdırmaları ilə məşhur olan keçmiş Avstriya həkimi Philip Nitschke tərəfindən hazırlanmışdır.

Əvvəl heç istifadə olunmayan "Sarko" adlı intihar maşınının içərisində oturan şəxs düyməni basdıqda maşın içəri azot qazı buraxmağa başlayır. Beləcə, havadakı oksigen ölümcül səviyyəyə düşdükcə, burda oturan istifadəçi bir neçə dəqiqə ərzində huşunu itirir və boğularaq ölür.

İntihar maşını kəşfinin arxasında duran qrup The Last Resort-un sözçüsü, cihazdan ilk istifadə edən şəxsin 64 yaşlı amerikalı qadın olduğunu açıqlayıb. O həmçinin The Last Resort vitse-prezidenti Florian Uilet, hollandiyalı jurnalist və iki isveçrəlinin polis tərəfindən həbs edildiyini bildirib. Hollandiyada nəşr olunan "Volkskrant" qəzeti də cihazın şəklini çəkmək istəyən fotoqraflardan birinin saxlanıldığını açıqlayıb.

The Last Resort-un sözçüsü bildirib ki, Uilet intihar kapsulundan istifadə edərkən amerikalı qadının yanında yeganə şəxs olub. Sözçü amerikalı qadının həyatına son qoymazdan əvvəl bütün psixiatrik müayinələrdən keçdiyini bildirib. The Last Resort tərəfindən yayımlanan açıqlamada Uiletin amerikalı qadının ölümünün "dinc, sürətli və şərəfli" olduğunu bildirən ifadələri yer alıb.

Telegramda izləyin

instagramda izləyin