Sıfır cazibə mühitində ağlayan astronavtların göz yaşları necə axır? - VİDEO

Təsəvvür edə bilərsiniz ki, kosmosda ağlamaq Yerdəkindən fərqli olacaq. Axı,sıfır cazibə mühitində göz yaşları necə aşağıya doğru axa bilər?

Sonxeber.az xəbər verir ki, astronavt Kris Hedfild bu məsələyə aydınlıq gətirir.

Kosmosa çıxan astronavtlar tamam başqa təcrübə yaşayırlar. Sıfır cazibə mühitinə görə, hətta gündəlik, çox adi fəaliyyətlər tamamilə fərqli ola bilər. Məsələn, ağlamaq...

Kanadalı veteran astronavt Kris Hedfild plastik borudan içməli suyu gözlərinin dibinə yaş kimi çəkərək kosmosda ağlamağın necə olduğunu göstərib.

Damcılar göz ətrafında daha böyük bir hovuz əmələ gətirirdi. "Göz yaşları" artdıqca gölməçə də artırdı. Hedfildin sözləri ilə desək: "Ağlamağa davam etdikcə, burnunuzdan digər gözünüzə qədər keçən daha böyük bir su topu meydana gəlir".

Gördüyünüz kimi damcılar yığıldıqca gözün dibində birləşərək orada qalırlar. Aşağıya doğru üzmür. Astronavt Hedfild bu vəziyyətlə bağlı deyir: "Kosmosda ağlamaq arasındakı ən böyük fərq göz yaşlarının düşməməsidir. Elə isə özünüzlə salfet götürün!"

Xülasə etmək lazımdır ki, göz yaşları yerdəki kimi mikroqravitasiyada düşmür. Nə qədər çox ağlasan bir o qədər də üzünə yığılır.

Vüsalə İbrahimli

[/youtube]

Telegramda izləyin

instagramda izləyin