12 saat uçdular və heç yerə çata bilmədilər

İranın İsrailə gecə hücumundan sonra bir çox aviaşirkət reysləri marşrutundan yayınaraq müxtəlif şəhərlərdə məcburi eniş edib.

Sonxeber .az xəbər verir ki, Parisdən Mumbaya gedən təyyarədə olan sərnişinlər 12 saatlıq yoldan sonra yenidən Parisdə olublar.

Avropa və Şimali Amerikadan Körfəz və Cənubi Asiyaya uçuşlar normal olaraq Türkiyənin cənub-şərqindən keçir, İran və ya İraq üzərindən davam edir.

Lakin İrandan İsrailə atılan raketlərə görə İraq və İran hava məkanları, eyni zamanda İordaniya hava məkanı da müvəqqəti bağlanıb.
Bu xaosun ən parlaq nümunəsi Air France-ın Parisdən Mumbaya gedən AF218 reysi olub.Təyyarə səkkiz saatlıq "səyahət"dən sonra Parisə qayıtmalı olub.

Airbus A350 dörd saatlıq gecikmə ilə Şarl de Qoll hava limanından havaya qalxıb, lakin İraq hava məkanı bağlanandan sonra təyyarə geri dönüb.
Təyyarə Parisə başlanğıc vaxtından 12 saat sonra gəlib.

Bu uçuşdan başqa bir çox təyyarə cənub marşrutu ilə yönləndirilib və Misir vasitəsilə Səudiyyə Ərəbistanının daxili ərazilərinə uçmalı olub.
Marşrutların uzun olması səbəbindən bəzi təyyarələr yanacaq doldurmalı olub və bir çox reys təyinat yerinə iki-üç saat gec gəlib.

Ən çox zərər çəkən Emirates və Qatar Airways kimi aviaşirkətlər olub.

Londondan Dubaya uçan British Airways aviaşirkətinə məxsus BA107 reysi İraq-Türkiyə sərhədi yaxınlığında marşrutu dəyişərək Cənubi Kiprin Larnaka hava limanına enərək təyinat yerinə 4 saat gec çatıb.

Vüsalə İbrahimli

Telegramda izləyin