Qeyri-qanuni olaraq qoyun klonlayan şəxsə cəza: "Həvəsimə təslim oldum"

ABŞ-da bir adam nəsli kəsilməkdə olan heyvanlardan genetik material alaraq nəhəng hibrid qoyun yetişdirib. Artur Şubart adlı 81 yaşlı kişiyə 6 ay həbs cəzası verilib.

Sonxeber.az xarici mediaya istinadən xəbər verir ki, bununla bağlı qanununun pozulmasına görə dinləmə baş tutub. Bu qanun bəzi vəhşi heyvanların dövlətlərarası ticarətini qadağan edir və vəhşi heyvanların qaçaqmalçılığının qarşısını almaq üçün həyata keçirilir.

Şubartın Qırğızıstandan qeyri-qanuni yolla gətirdiyi Marko Polo qoyun genetikasından embrionları Amerika çöl qoyunlarının emrionları ilə birləşdirərək klonlaşdırmaq üçün istifadə etdiyi bildirilir. Klonlaşdırma nəticəsində "Montana Dağ Kralı" adlı tək erkək qoyun əldə edilib. Şubart bu qoyundan başqa qoyunları mayalandırmaq üçün istifadə edirdi.

Klonlaşdırılmış qoyunların ovçuluq təsərrüfatlarına satıldığı və oradakı ovçular tərəfindən güllələndiyi öyrənilib. Klonlaşdırılan hər qoyunun satış qiymətinin təxminən 10 min dollar olduğu bildirilib.

Marko Polo qoyunlarının çəkisi 135 kiloya, buynuzlarının uzunluğu isə 1,5 metrə çata bilər. Onun zooparka köçürülməsinə qərar verilərkən, Şubartın 20 min dollar cərimə ödəyəcəyi də açıqlandı.

Nəticədə ittihamları qəbul edən Şubart, hökm iclasından sonra verdiyi açıqlamada "Mən həvəsimə təslim oldum" deyib.

Vüsalə İbrahimli

Telegramda izləyin