"Telegram"da yenilik: Ödənişli hədiyyələr istifadəyə verildi

"Telegram"ın tərtibatçıları istifadəçilərə yeni funksiyalar və təkmilləşdirmələr, o cümlədən "Telegram Stars" valyutası üçün hədiyyələr göndərmək imkanı təklif ediblər.

Oxu.Az xəbər verir ki, bu barədə mesencerin bloqunda məlumat verilib.

Tətbiqi yeniləyən "Telegram" istifadəçiləri 15-dən 100-ə qədər "ulduz" olan "Stars" valyutasından istifadə edərək hədiyyələr göndərə bilərlər.

Hədiyyələr anonim və ya ictimaiyyətə açıq ola bilər - alıcı həmişə hədiyyənin kimdən gəldiyini biləcək.

Hədiyyələrin özləri mesaj əlavə etmək imkanı ilə animasiya şəklində təqdim olunur. Həmçinin hazırda 500 və 100 min ədəd məhdud sayda buraxılan 15 və 25 ulduzlu iki nadir hədiyyə var. Alınan hədiyyələr xüsusi profil bölməsində yerləşdirilə bilər ki, burada digər istifadəçilər onları görəcək. Yaxud da həmin hədiyyələr ulduzlara dəyişdirilə bilər.

Telegramda izləyin

instagramda izləyin