Dünyanın ən uzunömürlü "Benjamin Button"u dünyasını dəyişdi - FOTO

Progeriya kimi tanınan və xalq arasında "Benjamin Button xəstəliyi" adlandırılan nadir genetik xəstəlikdən dünyada ən uzun müddət sağ qalan Sammy Basso 28 yaşında vəfat edib.

Sonxeber.az xarici mediaya istinadən xəbər verir ki, xəstəliyə 2 yaşında ikən diaqnoz qoyulan Basso 10 yaşında ailəsinin dəstəyi ilə İtalyan Progeria Sammy Basso Dərnəyini qurub.

Ömrünü bu xəstəliklə bağlı maarifləndirməyə həsr edən Basso, National Geographic-də yayımlanan "Sammy's Journey" sənədli filmində də göründü və gen mühəndisliyi ilə progeriya müalicəsini araşdıran magistrlik dissertasiyası yazdı.

Semmi Basso oktyabrın 5-də axşam ailəsi və dostları ilə şam yeməyi zamanı yıxılıb. Hadisə yerinə gələn təcili tibbi yardım qrupları Bassonu həyata qaytarmağa çalışsalar da, buna nail ola bilməyiblər.

Ölümündən cəmi bir neçə həftə əvvəl Çindən qayıdan gənc bioloq ölümündən bir gün əvvəl Venesiyada ətraf mühit və cəmiyyət sahəsində Paolo Rizzi Jurnalistika Mükafatını alıb.

1 dekabr 1995-ci ildə Thiene şəhərində anadan olan və Tezze sul Brentada yaşayan Sammy Basso 2018-ci ildə Padua Universitetini Təbiət Elmləri üzrə bitirib. 2021-ci ildə həmin universitetdə Molekulyar Biologiya üzrə magistratura pilləsini bitirib.

Bassonun ailəsi açıqlamasında bildirib - "Biz bu həyat yolunun bir hissəsini onunla bölüşmək imtiyazına sahib olduğumuz üçün dərin minnətdarlıq hissi duyuruq. O, bizə həyatın maneələri nə qədər keçilməz görünsə də, doya-doya yaşamağa dəyər olduğunu öyrətdi".

Bassonun mübarizəsi Progeriya sindromu adlanan bu xəstəlik haqqında məlumatlılığın artırılmasının ən böyük simvollarından biri oldu.

Vüsalə İbrahimli

Telegramda izləyin

instagramda izləyin