Sərvət xərcləyib it olan şəxs ilk dəfə üzünü göstərdi - FOTO

Toko-san 2 milyon Yapon Yen (təxminən 19 min manat) xərcləyərək xalq arasında it kimi gəzməyə başlayıb.

Sonxeber.az xarici mediaya istinadən xəbər verir ki, Yaponiyada yaşayan Toko-san uşaqlıq arzusunu reallaşdırmaq üçün böyük addım atıb. Son dərəcə realist Border Collie kostyumu tikdirən Toko-san 2 milyon Yapon Yen (təxminən 19 min) xərcləyib və it kimi xalq arasında gəzməyə başlayıb.

Toko "Uşaqlıqdan bəri ən böyük arzum it olmaq idi" deyərək bu maraqlı layihəyə nə qədər önəm verdiyini vurğuladı. O, 32 min abunəçisi olan YouTube kanalında realist geyimində otda oynayıb yerdə yuvarlanan görüntüləri paylaşıb. Videolar tamaşaçıların böyük marağına səbəb olub. Bir klipə 1,7 milyon dəfə baxılıb.

Kostyumunu qoşqu ilə tamamlayaraq, Toko ilk dəfə ictimai yerdə it kimi gəzməkdən qorxduğunu və əsəbi olduğunu da dilə gətirib. Toko, "Kiçik ikən qəhrəman və ya sehrbaz olmağı xəyal edirdim" deyərək, bu təcrübənin onun heyvan olmaq arzusunu reallaşdırdığını ifadə etdi.

İbtidai məktəb məzuniyyət kitabında it kimi çöldə gəzə bilmək arzusu haqqında yazdığını xatırlayan Toko, "Mən həmişə heyvan olmaq kimi qeyri-müəyyən bir xəyalım var idi" dedi. O əlavə edib ki, ölçü fərqinə görə Collie olmağa üstünlük verir.

Toko-sanın bu qeyri-adi yuxusu sosial mediada geniş maraqla qarşılanıb və tamaşaçılarda böyük maraq doğurub.

Vüsalə İbrahimli

Telegramda izləyin