Biri qılınc çəkib, digəri maşının onun üzərinə sürüb - VİDEO

Tıxacda mübahisə edən iki sürücüdən biri qılıncla hücuma keçib. Digər sürücü isə qılınclı hücumçunu maşını ilə vuraraq zərərsizləşdirib.

Sonxeber.az xarici mediaya istinadən xəbər verir ki, nəqliyyatda iki nəfər arasında görünməmiş dava baş verib. Tıxacda başlayan dava bir neçə dəqiqə ərzində böyüyüb. Onlardan biri qılınc çəkərkən, digəri maşını ilə ona bir neçə zərbə endirib.

Braziliyada qeydə alınan görüntülərdə iki sürücü yol vermək üstündə mübahisəyə başlayıb. Sürücülərdən biri avtomobilindən düşərək tutduğu qılıncla digər avtomobilə hücum etməyə başlayıb. Bu vaxt avtomobilin sürücüsü qaza basaraq qılınclı hücumçunu bir neçə dəfə vuraraq zərərsizləşdirib. Şok edən görüntülər qısa zamanda sosial mediada trend mövzusuna çevrilib. İstifadəçilər 'Hər quşun ətini yemək olmaz' şərhini yazıblar.

Özünə qılıncla hücum etməyə çalışan şəxsi maşını ilə dəfələrlə vuran şəxs, qılınclı şəxsin yerə yıxıldığı an hadisə yerindən cəld uzaqlaşıb.

Vüsalə İbrahimli

Telegramda izləyin