Oqtay Kaynarcadan illər sonra şok "Kurtlar vadisi" etirafı

Kafa TV-də Candaş Tolqa Işığın "Fenomen" verilişində qonaq olan aktyor Oqtay Kaynarca məşhur "Kurtlar Vadisi" serialının əslində Amerika serialından ilhamlandığını bildirib.

Sonxeber.az türk mediasına istinadən xəbər verir ki, Aktyor serialın ilhamının TRT-də yayımlanan "Büyük Tuzak" adlı Amerika serialı olduğunu açıqlayıb. Oktay Kaynarca bu məlumatı ilk dəfə açıqladığını bildirib. O verilişdə: "O vaxt TRT-də "Büyük Tuzak" adlı Amerika serialı gedirdi. Biz ona böyük maraqla baxırdıq. Daha sonra Osmanın yanına gedib dedim ki bu serial Türkiyədə də olsa çox diqqət çəkəcək. Ancaq bir müddət bu məsələ gündəmdə deyildi. Sonra Osman mənə zəng edərək layihəni etməyə qərar verdiklərini dedi."

Kaynarcanın açıqlamaları, Kurtlar Vadisinin əslində orijinal bir istehsal olmadığını, Amerikan serialından ilhamlandığını ortaya çıxarıb. Bu etiraf serialın pərəstişkarları arasında sürprizlə qarşılanıb. "Kurtlar Vadisi" yayımlandığı dövr ərzində geniş tamaşaçı kütləsi toplayıb. Serial Türkiyə televiziya tarixində iz qoyan layihələrdən biri kimi yadda qalmağa davam edir.

Qeyd edək ki, Oqtay Kaynarca serialda məşhur Süleyman Çakır obrazını canlandırıb.

Telegramda izləyin