3 qadının kameralara düşən hərəkəti bəyənilib - VİDEO

Kutlubey rayonundakı əyləncə mərkəzində baş verən yanğının söndürülməsinə yanğınsöndürmə qrupları ilə bərabər ətrafda mağazası olan insanlar da dəstək verib.

Sonxeber.az xarici mediaya istinadən xəbər verir ki, yanğın zamanı təşvişə düşənlər üçün məhəllə köşkünə gələn 3 gənc qadın mağaza sahibini tapa bilməyəndə aldıqları məhsulların pulunu piştaxtaya qoyublar.

İş yerinin təhlükəsizlik kamerası görüntülərində 3 gənc qadının ora gəldikləri və dükan sahibini tapa bilməyəndə suyu götürərək ödənişi piştaxtaya qoyduğu görünür.

Mağaza sahibi Bilal Dəmir jurnalistlərə bildirib ki, qonşusunun işində baş verən yanğına müdaxilə edərkən mağazasında olmayıb. Yanğınsöndürmə işləri davam edərkən tüstüdən zərər çəkənlərə kömək etmək üçün 3 qadının su aldığını ifadə edən Dəmir, "Mən yoxkən suyu götürüb pulu piştaxtanın üstünə qoydular. Piştaxtada pulu görəndə, təhlükəsizlik kamerasına baxdım, indiki dövrdə belə davranışları görmək çox çətindir. Onlara təşəkkür edirəm"- dedi.

Telegramda izləyin