Məşhur sörfçü ürəyinə qılınc balığı ilişdiyi üçün dünyasını dəyişib

Sumatra sahillərində bədbəxt hadisə baş verib. İtaliyalı sörfçü Giuliana Manfrini sörfinq edərkən dənizdən tullanan qılınc balığının ürəyinə ilişməsi nəticəsində dünyasını dəyişib.

Sonxeber.az xarici mediaya istinadən xəbər verir ki, Pulau Masokut adasının sahillərində baş verən hadisədə balığın dimdiyi sörfçünün sinəsinə 5 santimetr dərinlikdə basılıb. Dostları Massimo Ferro və Aleksandre Ribasın çevik müdaxiləsinə baxmayaraq, Manfrini yaxınlıqdakı klinikaya aparılsa da onu xilas etmək mümkün olmayıb.

Awave Travel-in həmtəsisçisi və peşəkar sörf təlimatçısı Manfrini sosial mediada "sörf və xizək səyahəti mütəxəssisi" kimi tanınırdı. Müvəffəqiyyətli hüquq məzunu sörfçü son Instagram paylaşımında "İki həftədən sonra görüşənədək" yazıb.

Siberut Polis İdarəsi hadisə ilə bağlı araşdırma başlatarkən, sörfinq ictimaiyyəti və pərəstişkarları sosial mediada başsağlığı paylaşmağa davam edib.

Vüsalə İbrahimli

Telegramda izləyin