İki nəfər tək qadını məcburi maşına mindirərək təcavüz etdi - VİDEO

Somersetdə dəhşətli hadisə baş verib. Gecə saat 00:15 radələrində Cənub küçəsində gəzən qadın iki nəfər tərəfindən zorla qaçırılaraq təcavüzə məruz qalıb.

Sonxeber.az xarici mediaya istinadən xəbər verir ki, Britaniya polisi zərərçəkənin təhlükəsizliyi üçün qurbanın şəxsiyyət məlumatlarını açıqlamasa da, hadisənin təhlükəsizlik kameralarına düşən görüntülərini paylaşıb.

Kadrlarda iki naməlum təcavüzkarın qadını tünd rəngli kiçik bir avtomobilə zorla mindirdiyi açıq-aydın görünür. Bir müddət sonra qadın hücum edənlərdən xilas ola bilib və itini küçədə gəzdirən vətəndaşdan kömək istəyib. Bu dramatik anlar da saniyə-saniyə təhlükəsizlik kameralarına düşüb.

Polis qrupları hadisə ilə bağlı araşdırmanı dərinləşdirib və təcavüzkarları tutmaq üçün geniş miqyaslı axtarışlara başlayıb. Səlahiyyətlilər ictimaiyyətdən hadisə ilə bağlı məlumat və şahidlərlə əlaqə saxlamağı xahiş edib. Zərərçəkmiş qadının səhhətinin yaxşı olduğu, ancaq yaşadığı travmaya görə psixoloji dəstək aldığı öyrənilib.

Polis oxşar hadisələrin qarşısını almaq üçün bölgədə patrul xidmətinin sayını artırsa da, vətəndaşlara xüsusilə gecə saatlarında diqqətli olmaları barədə xəbərdarlıq edib.

Vüsalə İbrahimli

Telegramda izləyin