Qızının evə qayıtmayacağını biləndə özünü yandırıb

Dənizlinin Kale rayonunda bazar yerində camaatın gözü qarşısında özünü yandıran şəxs müalicə aldığı xəstəxanada 7 gün sonra dünyasını dəyişib.

Sonxeber.az xarici mediaya istinadən əbər verir ki, hadisə Kale rayon mərkəzində, Cümhuriyyət məhəlləsində qurulan məhəllə bazarında baş verib. Rayonda çörəkçi olduğu öyrənilən və bir müddət ailə problemləri yaşadığı iddia edilən Halil Seliz məhəllə bazarında alış-veriş edən camaatın gözü qarşısında üzərinə benzin töküb. Ətrafdakı vətəndaşların xəbəri üzərinə əraziyə polis, sağlamlıq və xilasetmə qrupları sövq edildi.

Evdən qaçan qızının geri qaytarılmasını istəyən Halil Selizi polis qrupları razı sala bilməyəndə həyat yoldaşı əraziyə çağırılıb. Həyat yoldaşının və polis qruplarının səylərinə baxmayaraq Halil Selizə qızın evə qayıtmaq istəmədiyini dedikdən sonra içdiyi və üzərinə tökdüyü benzinlə özünü yandırıb. Hadisə yerində edilən ilk tibbi yardımdan sonra Halil Seliz əvvəlcə Kale Dövlət Xəstəxanasına, daha sonra isə İzmir Bozyaka Təhsil və Araşdırma Xəstəxanasının Yanıq Şöbəsinə aparılıb. Burada müalicə alan Halil Seliz dünən axşam saatlarında həkimlərin bütün müdaxiləsinə baxmayaraq dünyasını dəyişib.

Vüsalə İbrahimli

Telegramda izləyin