Yolun ortasında "insanlıq öldü" deməyə vadar edən bir hərəkət - VİDEO

Yol avtoxuliqanlarının yaratdığı qalmaqallı görüntülərə yenisi əlavə edilib.

Sonxeber.az xarici mediaya istinadən xəbər verir ki, Antalyada sürücü yeni doğulmuş körpəni daşıyan təcili yardım maşının yolunu bağlayaraq israrla yol verməkdən imtina edib. Böyük reaksiyalara səbəb olan görüntülərin ardından Antalya İl Təhlükəsizlik Müdirliyi mövzu ilə bağlı açıqlama verib.

Hadisə oktyabrın 28-nə keçən gecə saat 03:10 radələrində Manavqat rayonunda baş verib. Əldə edilən məlumata görə, xəstəxanada neonatal şöbə olmadığı üçün vaxtından əvvəl doğulan körpənin Antalyadakı xəstəxanaya köçürülməsinə qərar verilib. Körpəni daşımaq üçün gələn xüsusi təcili yardım maşınında sürücünün D-400 şosesində yol verməməsi səbəbindən işçilər çətin anlar yaşayıb. Avtomobilin sürücüsü bütün xəbərdarlıqlara baxmayaraq, fənərləri yanmış təcili tibbi yardım maşınının keçməsinə imkan verməyib.

Hadisələr təcili yardım maşınındakı tibb işçiləri tərəfindən mobil telefonla lentə alınıb. Görüntülərdə təcili yardım maşınındakı növbətçi tibb işçisi Manavqatdakı xəstəxanada neonatal bölmə olmadığı üçün körpəni Antalyadakı başqa xəstəxanaya köçürmək üçün yola düşdüklərini bildirib.

Görüntülər sosial media platformalarında sürətlə yayıldıqdan sonra hadisə böyük reaksiyaya səbəb olub. Görüntülərin ardından Antalya İl Təhlükəsizlik Müdirliyi mövzu ilə bağlı açıqlama verib.

İl Polis Şöbəsindən verilən açıqlamada müxtəlif yol hərəkəti qaydalarını pozduğuna görə təcili yardıma yol verməyən avtomobilin sürücüsü barəsində inzibati cərimə tətbiq olunduğu və "cinayətinə" görə məhkəmə işlərinin başlandığı bildirilib.

Vüsalə İbrahimli

Telegramda izləyin