Rusiyadan ultra-fantastik cərimə: hələ belə qərar olmamışdı

Rusiya məhkəməsi "google"ı 20 desilyon dollar məbləğində cərimələyib.

Ölkə.Az xarici KİV-ə istinadla xəbər verir ki, rusiya tərəfi bunu "google"un rusiya mediasının məzmununu bloklaması ilə əsaslandırıb.
Bu rəqəm Dünya Bankının qlobal ümumi daxili məhsulunun qiymətləndirməsindən də dəfələrlə şçoxdur. Qlobal ÜDM 100 trilyon dollardır. Yəni əgər quql bu cəriməni ödəməli olsa yer kürəsində olandan daha çox pul tapmalıdır.

Bu ultra-fantastik cərimənin tarixi 2020-ci ilə gedib çıxır. Belə ki, proses 4 il əvvəl yutubun Rusiyanın radikal millətçi "Tsargrad" kanalını bağlamasından sonra başlayıb.

Rusiya KİV-in yazdığına görə, Putinin 2022-ci ildə Ukraynaya qanunsuz müdaxiləsindən sonra qadağan olunmuş siyahıya daha çox kanal əlavə edilib. Zvezda (Putinin Müdafiə Nazirliyinə məxsus telekanal) da daxil olmaqla 17 telekanal "google"u məhkəməyə verib.

"Google" Rusiya məhkəməsi tərəfindən "YouTube" platformasındakı kanalları sildiyinə görə İnzibati Xətalar Məcəlləsinin 13.41-ci maddəsinə əsasən inzibati məsuliyyətə cəlb edilib. Məhkəmə şirkətə bu kanalları bərpa etməyi tapşırıb", - vəkil İvan Morozov TASS-a bildirib.

Məhkəmə gündəlik 100 min rubl (1025 ABŞ dolları) məbləğində cərimə kəsib və ümumi cərimə hər həftə iki dəfə artırılıb. Mürəkkəb faizə görə "Google" indi ağlasığmaz miqdarda pul ödəməlidir.

Axtarış nəhəngi "Google" Putinin xüsusi hərbi əməliyyatından sonra Rusiyada faktiki olaraq fəaliyyətsizdir. "Google" deyir ki, Rusiya hakimiyyəti onun bank hesablarını ələ keçirib və filialı mahiyyətcə müflis olub.
Rusiya "Google"un aktivlərini ələ keçirməyə çalışdığı üçün bu mübarizə indi dünyanın hər yerində məhkəmələrdə davam edir.

Qeyd edək ki, 1 desilyonun yazılışı zamanı 10-dan sonra 33 ədəd sıfır gəlir.
20 desilyon dollar = 2,000,000,000,000,000,000,000,000,000,000,000,000

Xatırladaq ki, "Google" dünyanın ən böyük axtarış sistemi və reklam sahəsində ixtisaslaşmış ABŞ şirkətidir. "Youtube" da bu şirkətin bir platformasıdır.

Telegramda izləyin