İlk dəfə səyahət edən qadınların səhvləri – Diqqətli olun

Son illərdə tək səyahət edən qadınların sayı bir xeyli çoxalıb. Bununla belə, ilk dəfə tək səyahətə çıxarkən, bir çoxları haqlı olaraq narahat olurlar.

Sonxeber.az Lent.az-a istinadən xəbər verir ki, həyat tərzi bloqlarından birini idarə edən 63 yaşlı təcrübəli səyyah Kristina Ford məsələ ilə bağlı danışıb.

O, ilk dəfə tək səyahətə çıxanların etdikləri səhvləri açıqlayıb.

Onun sözlərinə görə, əsas və birinci səhv qadınların ilk dəfədən şirkətsiz, hər hansı tur olmadan tətilə çıxmasıdır.

"Əgər bu, ilk tək səyahətinizdirsə və sizdə qorxu varsa, birdən çox uçuşla iki həftəlik səfər planlaşdırmayın. Birbaşa uça biləcəyiniz yer seçin", - deyə Kristina xəbərdarlıq edib.

Eyni zamanda, o, turistlərə əvvəlcə getmək istədikləri yeri hərtərəfli araşdıraraq, ilk tək səyahətlərini yaxşıca planlaşdırmağı tövsiyə edir.

"Tədqiqatınızı aparın və həmişə etmək istədiyiniz, lakin rahatlığınız pozulmadan bir şeyi planlaşdırın", - deyə bloqer əlavə edib.

O qeyd edib ki, adətən qısa səfərlər planlaşdırmaq üçün "ChatGPT"dən istifadə edir.

Telegramda izləyin