Əmək pensiyaları nə qədər artacaq? - AÇIQLAMA

"Hər ilin yanvar ayında əmək pensiyaları əvvəlki ildə orta aylıq nominal əmək haqqındakı artım faizinə uyğun olaraq indeksləşdirilib, yəni artırılıb. 2025-ci ilin yanvarında bütün növ əmək pensiyalarının artırılması nəzərdə tutulub".

Bunu Milli Məclisin deputatı, iqtisadçı alim Vüqar Bayramov bildirib.

Bəs görəsən pensiyalarda nə qədər artım olacaq?

Mövzu ilə bağlı Sonxeber.az - a açıqlama verən sosioloq Elçin Bayramlı bildirib ki, pensiyaların 10 faiz artacağı gözlənilir:

"Son maaş və pensiya artımlarından bir ilə yaxın vaxt keçib və bu müddətdə əksər məhsul və xidmətlərin qiymətlərində bahalaşma olub. Pulun əmtəə dəyəri xeyli aşağı düşüb. Bu səbəbdən maaş və pensiya artımlarının ciddi ölçüdə olmasına ehtiyac var. Mən hesab edirəm ki, düzgün indeksasiya üçün ən azı 50 faiz artım olmalıdır. Amma bu inandırıcı görünmür. 10-15 faiz artım gözlənilir. Minimum əmək haqqı da pensiyalar da maksimum 15 faiz arta bilər. Bu isə bahalaşmaları kompensasiya etmir. Yenə də əhalinin aldığı pulun dəyəri 1-2 il əvvələ nisbətən aşağı olmuş olur. Bu günki dövrdə çox sürətli bahalaşmalar var və bu davam edir. Hazırkı pensiya və əməkhaqqı zəruri tələbatı belə ödəmir. Ona görə də yaşayış minimumu da qaldırılmalıdır. Bu hazırda 270 manatdır və ən azı 400 manata çatdırılmalıdır. Minimum əməkhaqqı isə ən azı 500 manata çatdırılmalıdır. Eləcə də minimum pensiya ən azı 400 manata qaldırılmalıdır. Amma ümumilikdə 10 faiz artım olacağı gözlənilir".

Çiçək Sadatova

Telegramda izləyin