Dostlarının "əyləncə"li təklifi onun ölümünə səbəb oldu - VİDEO

Hindistanın Banqalur şəhərində baş verən faciəvi hadisədə 32 yaşlı kişi dostlarının təhlükəli təklifinə "hə" deyərək dünyasını dəyişib.

Sonxeber.az xarici mediaya istinadən xəbər verir ki, hadisə Hindistan mədəniyyətində işıqlar bayramı kimi qeyd olunan "Divali" gecəsi baş verib. Şabarış adlı gənc dostları ilə içki içərək bayram edərkən dostları ona təhlükəli təklif ediblər. İşsiz qalan Şabarışa "Əgər fişəng qutusunun üstündə oturub onun partlamasını gözləsən, sənə üçtəkərli taksi alarıq" - deyiblər.

Maddi çətinlik çəkən və iş tapa bilməyən Şabarış öz biznesinə sahib olmaq arzusu ilə bu təhlükəli təklifi qəbul edib. Təhlükəsizlik kameralarına düşən görüntülərdə onun vicdansız dostlarının atəşfəşanlıq qutusunu yandırdıqdan sonra qaçdığı görünür.

Dəhşətli partlayış anından sonrakı görüntülərdə Şabarişin ağrıdan yerdə qıvrıldığı və dostlarının ətrafına toplaşdığı görünür. Ağır yaralanan gənc xəstəxanaya aparılsa da, iki gün sonra dünyasını dəyişib.

Polis bu ölümlə bağlı 6 nəfəri saxlayıb. Şübhəlilər "ehtiyatsızlıqdan adam öldürmə" maddəsi ilə mühakimə olunacaqlar.

Vüsalə İbrahimli

Telegramda izləyin