"Toppuş bacı"nın ərindən kövrək paylaşım

Mərhum Əməkdar artist Tünzalə Əliyevanın həyat yoldaşı Röyal ondan qalan əşyaların fotosunu paylaşıb.

Sonxeber.az Lent.az-a istinadən xəbər verir ki, o, tezliklə xanımına qovuşacağını bildirib.

"Tünzalənin bəzi əşyalarına hələ də cəsarət etmirəm toxunmağa. Pulqabısını bu gün açdım, içindən evin açarı və 1 manat çıxdı. Bir anlıq düşündüm ki, səhər qapını bağlayıb işə gedirik, axşam gəlib təkrar açacayıq.

Nə bilim, vaxt dolana qədər hərəmiz birtəhər yaşamağa çalışırıq. Çox darıxıram yoldaşım üçün, bir yandan da günlər elə tez keçir ki... Sanki ona qovuşacağım günlər daha sürətlə gəlir".

Əməkdar artist Tünzalə Əliyevanın uzun sürən xərçəng xəstəliyindən vəfat edib. Onun Zəhra adlı bir qız övladı var.

Telegramda izləyin