Ali Məhkəmənin qarşısında partlayış olub

Braziliyada Ali Məhkəmənin binası qarşısında iki partlayış səsi eşidilib.

Sonxeber.az xarici mediaya istinadən xəbər verir ki, Ali Məhkəmədəkilər təhlükəsizlik məqsədilə təxliyə edilib.

Hələlik partlayış nəticəsində 1 nəfər ölüb. Bölgəyə çoxlu polis və yanğınsöndürmə briqadası göndərilib.

Federal Dairə Mülki Polisi tərəfindən verilən açıqlamada hadisə ilə bağlı araşdırma aparıldığı bildirilib.

Partlayış səslərinin gəldiyi yerə yaxın olan Prezident Sarayı Planalto və Milli Konqresin yerləşdiyi ərazi piyada və avtomobillərin hərəkətinə tamamilə bağlanıb.

Braziliya prezidenti Luiz İnasio Lula da Silvanın köməkçisi Jose Chrispiniano verdiyi açıqlamada hadisə baş verən zaman Lulanın sarayda olmadığını açıqlayıb.

İlk araşdırmalar nəticəsində bombanın heykəlin içərisinə qoyulduğu və partlayıcının işə düşməsi nəticəsində hadisəni törədən şəxsin orada öldüyü məlum olub.

İkinci partlayışın isə park edilmiş avtomobildə baş verdiyi bildirilib.

Hadisə ilə bağlı araşdırmalar davam edir.

Telegramda izləyin