Kişi həyat yoldaşından gec saatlarda evi tozoranlayır deyə boşandı

İstanbulda vəkillərin belə izah etməkdə çətinlik çəkdiyi boşanma hadisəsi baş verib.

Sonxeber.az türk mediasına istinadən xəbər verir ki, Emre E. adlı kişi arvadı Feyza K.E.-nin gecə gec saatlarda evi tozsoranladığını əsas gətirərək boşanma ərizəsi verib.

Feyza K.E.-nin vəkili Ümit Ərdoğan "Açığı, boşanma üçün əsl səbəb tapa bilmirik. Cavab verməkdə çətinlik çəkirik. Müvəkkilim işləyən qadındır və axşam saat 20.00-21.00 radələrində evə gəlib bu işləri görməsi normaldır. Təbii ki, ailə birliyinin kökündən sarsılmasının səbəbi altında bir çox hadisəni sıralamaq olar. Buradakı iddia gerçək bir səbəbdən daha çox bəhanə kimi görünür", - deyə bildirib.

Emre E. həyat yoldaşından 200 min lirə mənəvi, 300 min lirə maddi təzminat tələb edib.

Məsələ ilə bağlı araşdırmalar davam edir.

Telegramda izləyin